image_printپرینت خبر

گؤروشمه‌ده ساوونما ساحه‌سینده امکداش‌لیق، قاراباغ ساواشی‌نین گئدیشینی ده‌ییشدیرن اینسان‌سیز هاوا آراج‌لاری و تئکنولوژی ساحه‌سینده‌کی یئنی‌لیک‌لر اله آلیندی.

علی‌یئو، داغلیق قاراباغ ساواشیندا آذربایجان تورپاق‌لاری‌نین ایشغال‌دان قورتاریلماسیندا خیدمت‌لری اولان عسکر و مولکی شخص‌لرین اؤدول‌لندیریلمه‌سی اوچون تخصیص ائدیلن “قاراباغ نیشانی”نی سلجوق بایراقدار-ا تقدیم ائتدی.

بایکار طرفین‌دن اوره‌تیلن سیهالار (سیلاح‌لی اینسان‌سیز هاوا آراجی)، داغلیق قاراباغ‌ین ایشغال‌دان قورتاریلماسیندا اؤنملی رول اوینامیشدی.

سلجوق بایراقدار، توئیتر حسابین‌دان وئردیگی آچیقلامادا، “تک میللت، ایکی دؤولتین اورتاق گله‌جه‌یی اوچون چالیشماغا داوام ائده‌جه‌ییک” ایفاده‌لرینی ایشلتدی.