image_printپرینت خبر

جوجه¬لر یاواش- یاواش بؤیودولر. گون¬لرین بیر گونونده، چیل تویوق جوجه¬لرین هامیسینی دالیسیجا سالیب، چؤلده گزماغا آپاردی. گئدیب- گئدیب بیر گؤلمه¬جه¬یه یئتیشدیلر. چیل تویوق اوجادان دئدی:
-اوشاقلار! آمان دی! سویا یاخینلاشمایین ها! آیاغیز زویسه، سویا دوشسز، بوغولارسیز!!!
جوجه¬لر هامیسی گؤلمه¬جه¬دن اوزاقلاشدیلار. اما «آیاغی ائنلی خانیم» سویو گؤرونجه، سئوینه- سئوینه قاچیب، اؤزونو سویا آتدی. چیل تویوق چیغیردی:
-بالام الیمدن گئتدی! ایندی¬جه بوغولار!
هامیسی گؤلمه¬جه¬یه ساری قاچاندا گؤردولر، «آیاغی ائنلی خانیم» کئفی¬ساز- کئفی¬ساز سویون اوزونده اوزوب، اویان- بویانا گئدیر. چیل تویوق ایله جوجه¬لری او زامانا کیمی «آیاغی ائنلی خانیم»-ین بیر اؤردک بالاسی اولدوغونو بیلمه¬میشدیلر.