image_printپرینت خبر

 

اسرائیل مطبوعاتین‌دا یئر آلان خبرلرده، اسرائیل گوون‌لیک کابینه‌سی‌نین محاصره آلتین‌داکی غزه‌ده ۱۰ مئی‌دن بو یانا داوام ائد‌ن سالدیریلارا سون وئریله‌رک آتیش‌کسه گئدیلمه‌سی اوچون ائدیلن سس وئرمه‌یی قبول ائتدییی بیلدیریلمیشدی.

حماس سؤزجوسو سامی ابوزهری ده اسرائیل ایله غزه‌‌ده آتیش‌کسین یئرلی ساعات‌لا بو گئجه ۰۲.۰۰-ده باشلایاجاغینی تصدیق‌لمیشدی.

اسرائیل ساواش اوچاق‌لاری آتیش‌کسه بیر ساعت قالا غزه‌یه قارشی سالدیری‌لار دوزنله‌مه‌یه داوام ائتمیشدی.

اسلامی جهاد حرکتی‌نین سیلاح‌لی قانادی قودس توغای‌لاری دا سالدیری‌لارا قارشی‌لیق غزه‌ اطرافین‌داکی بؤلگه‌لره راکت آتدیق‌لارینی آچیقلامیشدی.
اؤته یان‌دان، آتیش‌کس آنلاشماسی‌نین گرچک‌لشمه‌سی‌نین آردین‌دان، غزه‌ و ایشغال آلتین‌داکی اوردن چایی‌نین باتی ساحلینده‌کی فلسطین‌لی‌لر، کوچه‌لره چیخاراق سئوینج گؤستریسی تشکیل ائتدی.

غزه‌نین مختلف شهرلرین‌ده یوزلرله گنج، باشدا رام‌الله اولماق اوزره اوردن چایی‌نین باتی ساحلین‌ده‌کی شهرلرده کوچه‌لره چیخاراق، غزه‌‌ده‌کی فلسطین مقاومت گروپ‌لارینا دستک شعارلاری وئریلدی.

فلسطین‌لی گنج‌لر، “رام‌الله‌دان شرف‌لی غزه‌‌میزه سلام اولسون”، “فتح، اسلامی جهاد و حماس. بیرلییینیز بیزی غرورلاندیردی” شکلین‌ده شعارلار وئرره‌ک آتیش‌کس‌دن دولایی سئوینج‌لرینی ایفاده ائتدی.

غزه‌‌یه قارشی ۱۰ مئی‌دن بو یانا داوام ائد‌ن اسرائیل سالدیریلارین‌دا ۶۵-ی اوشاق، ۳۹-و قادین ۲۳۲ فلسطین‌لی حیاتینی ایتیردی.