image_printپرینت خبر

گونئی فلوریدا بیلیم‌یوردو یولوخوجو خسته‌لیک‌لر متخصصی پروفسور دکتر ساندرا گومپف، “ات یئین باکتری” اولاراق دا بیلینن دوزلو سو باکتری‌سی ویبریو ولنیفیکوس ( Vibrio vulnificus) و شیرین سولارداکی نگلریا فاولری کیمی تهلوکه‌لی پاتوژئن‌لرین، کوره‌سل ایستی‌لشمه نتیجه‌سین‌ده ایستی‌لنن سولارین تاثیری ایله آرتابیله‌جه‌یی قونوسون‌دا بیلیم اینسان‌لاری‌نین داها چوخ قایغیلانماغا باشلادیق‌لارینا دقت چکدی.

متخصص‌لر، قوتلی سئل‌لرین تهلوکه‌لی پاتوژئن‌لرین تؤرتدیکلری چیرک‌لی سولارین داشینماسینی آسان‌لاشدیرا بیله‌جه‌یینه ایشاره ائتدی.

کالیفورنیا بیلیم‌یوردو آراشدیرماچی‌سی پروفسور یون شن ده، شدت‌لی قوراق‌لیق یاشانان بؤلگه‌لرده اولان سو قایناق‌لارین‌دا آرتما پتانسیلی اولان پاتوژئن‌لرین، شهرلرین سو شبکه‌لرینه قاریشما احتیمالی‌نین دا یوکسک اولدوغونو ایفاده ائتدی.
سون ۱۰ ایلده‌کی اولقو سایی‌سینین تخمین ائدیلن‌دن داها چوخ اولدوغونو ایفاده ائد‌ن متخصص‌لر، کوره‌سل ایستی‌لشمه ایله بو وضعیت‌ین داها دا آرتابیله‌جه‌یینی قئید ائتدی.

بئیین‌ده انفکسیونا سبب اولان و عمومیت‌له اؤلومجول اولابیلن، میکرو اؤلچک‌لی و تک گؤزه‌لی/حجره‌لی نگلریا فاولری بورون یولویلا اینسان بدنینه گیریر.

داها چوخ گؤل، چای، کانال کیمی شیرین سولاردا اولان آمیب، اینسان‌دان اینسانا کئچمیر.

دوزلو سولاردا یاشادیغی بیلینن ویبریو ولنیفیکوس باکتری‌سی ایسه اسهال، قان دولاشیمی انفکسیونو و گانگرن کیمی پروبلئم‌لره سبب اولابیلیر.