image_printپرینت خبر

آلتی آی بویونجا اوستاد بو اوشاغا یالنیزجا وجود گلیشدیرمه تکنیک‌لری (فنون بدنسازی) اؤرگتدی. بو آلتی آی ایچینده بیر تک جودو فنی دئمهدی بو اوشاغا.
آلتی آی‌دان سونرا خبر گلدی کی شهرده یئرلی مسابقهلر کئچیریلهجک. اوستاد اون یاشینداکی بو شاگیردینه بیر تک فن اؤرگدیب مسابقهلر باشلایینجا یالنیزجا او بیر فن‌ین اوزهرینده ایش‌لتدی بیلهسینی.
سونوندا مسابقهلر کئچیریلدی و هرکسین شاشقین‌لیغی و حیرت‌لری ایچینده همن اوشاق ائله او بیر تک فن ایله بوتون حریف‌لرینی یئنهرک مسابقهنی اوتدو. اوچ آی‌دان سونرا همن بو اوشاق ائله اؤیرندییی او بیر تک فن ایله بوتون باشگاه‌لارین آراسیندا کئچیریلن مسابقهده ده بیرینجی‌لیک قازاندی.
مسابقهلر بیتدیکدن سونرا، ائوه قاییدیش یولوندا اوشاق اوزونو توتوب اوستادینا بونجا قازانجین سیررینی سوروشدو.
اوستاد دئدی:
-سنین قازانماغیوین سببی بیرینجی‌سی بو دور کی، باشاردیغین او بیر فنه دوغرو دوزگون مسلط اولموشدون. ایکینجی‌سی بودور کی، اومودون یالنیز و یالنیز باشاردیغین او بیر تک فن ایدی. اوچونجوسو، بو فنی یئنمک اوچون بیر تک یول تانینیبدیر، او دا حریفین سول قولونو توتماق دیر کی سنده یوخدور!
یاشام‌دا ضعیف نؤقطهلریوی گوج نؤقطه‌لرینه چئویرمهیی اؤرگنمهلیسن. یاشاییش‌دا، باشارینین سیرلاری اولاناق‌لارین اولماسی دئییل، «اولاناق‌سیزلیق‌لاردان» گوج نؤقطهسی کیمی یارارلانماقدادیر.