image_printپرینت خبر

سونرا دا شهادت وئریرم حضرت محمد (ص) اونون سئچیلمیش بنده¬سی و اسلام دینینین پئیغمبری دیر. سیزه سفارش ائدیرم هر زمان آللاهین یادیندا اولون. هئچ بیر زمان آتا- آناسیز اوشاق¬لاری اونودمایین. قونشولاریزا اونم وئرین. قرآن بیزیم دینی کیتابیمیز و پئیغمبریمیزین معجزه¬سی دیر. اونون بویوروق¬لارینا عمل ائدین. ناماز قیلین. بیرلیک اوچون چالیشین و هئچ زمان بیر- بیریزه دالیزی چئویرمه¬یین. هر زمان یاخشی ایش¬لر گؤرون و هامینی دا یاخشی اولماغا آلقیش¬لایین.”
عزیز اوشاق¬لار! اوروجلوق آیی، آللاهین قوناق¬لیق آیی دیر. بو آی دا بیزیم بیرینجی امامیمیز، حضرت علی (ع) شهید اولوب دور. شهید او کیمسه دیر کی، انسان¬لاری سئویر و اونلارین راحات اولماغینا چالیشیر و بو یول دا جانینی الدن وئریر. پیس آدام¬لار، اینسان¬لارین راحات اولماغین ایسته¬مزلر و بو ایشه چالیشان¬لاری آرادان آپارارلار. حضرت علی دنیادا اولان لاپ عادل حاکم¬لردن بیری ایدی. او هر زمان یوخسول¬لار و کیمسه سیزلرین آرخاسیندا دورادی. حضرت علی (ع) اؤز عائله¬سی ایله او بیری آدام¬لارین آراسیندا فرق قویمازدی. بیر نفر خلیفه-نی آختاراندا اونو ساری¬ایندا، تخت اوسته اوتورموش تاپمازدی، بلکه خورمالیقدا آغاج¬لاری بسله¬مک حالدا و یا قویو قازماق دا تاپاردی. او “من خلیفه¬یم داها لازم دئییل الیمی آغدان- قارایا ویرام” دئمزدی. هم ده حضرت علی (ع) بیر پهلوان ایدی و هر زمان ایدمان ائدیب، بدنینی ساغلام ساخلاماغا چالیشاردی. امام علی (ع) عئینی حالدا چوخ گوجلو بیر یازیچی ایدی. اونون کیتابینین آدی نهج¬البلاغه دیر. نهج¬البلاغه ده امام علی (ع) نین دوزگون دوشونجه¬لرینی اوخویوب، بیلمک اولار. سون سؤز اولاراق امام علی (ع) دن بیر حدیث سیزه گتیریرم:
“هر بیلگی‌نین داها یاخجی¬سینی اؤیره¬نین. بال آری سی کیمی کی، گول¬لرین ان گؤزه‌لینی شیره چکیب، بال دوزلتمه¬یه سئچیر.”