image_printپرینت خبر

 

– آخی بولار ریشه چیخاتمادی!
اویرتمنی دئیر:
– بیرآز دا قوی قالسین گونش قاباغیندا چیخاردار.
دنیز آپاریب، اُپِن اوسته قویار و دئیر:
– ایندی‌لیکده بوردا قالسین، سونرا گونش قاباغینا قویارام.- و گئدر اویناماغینین دالیجا.
نئچه گون لوبییه‌لر دنیزین یادیندان چیخار. یادینا دوشنده گلر باخسین گؤرسون خراب اولمویوب؟! گؤرر بیر لوبییه ریشه چیخاردیب. سئوینیب، آناسینا دئیر:
– باخ آنا! نه گؤزل بیر ریشه‌سی چیخیب!
آناسی دئیر:
– سن من دئدیغیما باخ، لوبییه‌لری ایسلاق پارچا آراسیندا قوی کابینئتین کَشوونا، اوندا گؤررسن نه اولور.
دنیز آناسینین دئدیگینه باخار و نئچه گون سونرا لوبییه‌لر گؤزل ریشه چیخارداللار. دنیز آناسیندان بیر گولدان آلیب، آراز داداشینین یاردیمی ایله اونلاری اکر. لوبییه‌لر بؤیویر، دنیز اونلاری اوخولا آپارار و هر گون سو وئرر، اونلاری اؤپر، اونلارا شعر اوخویار و نه قدر گؤزل اولدوقلارینی اونلارا دئیر. لوبییه‌لر گونو- گوندن بؤیویر. بیر گون دنیز گؤرر لوبییه‌سی گول آچیب. قاچا- قاچا گئدیب، اؤیرتمنینه دئیر. اوخولدان چیخماق زنگی چالاندا دنیز قاچا- قاچا قاچیب، آناسینا دئیر و آناسی چوخ سئوینر.
نئچه گونلر گئچندن سونرا، گولدانین گول‌لرینین ایکیسی لوبییه‌یه دؤنوشر و ایکی دانا دا یئنی گول چیخار. دنیز بونو دا تئز آناسینا دئیر و اونلار چوخ سئوینرلر. دنیزین یولداشلاری اکن لوبییه‌لر، اونلارین لوبییه‌لرینه سئوگی وئرمه‌دیکلری اوچون بؤیویوب، گول آچمادی. و دنیز سیررینی تا کی، اوچ لوبییه چیخاردا کیمسه ایله پایلاشمادی. دنیزین سیرری بو ایدی:
«بیر بیتگینی، فقط توپراق، سو و گونش نورو ایله بسله‌مه‌یک. بونلارین هامیسی بیر یانا، سئوگی ایله بسله‌مک بیر یانا!»