image_printپرینت خبر

تاپماجالار عاغلی و شعورو گلیشدیرمک، حضور ذهنی آرتیرماق اوچون‌دور. تاپماجانین ایچینده اشیانین، یا تاپماجانین موضوعسو اولان هر بیر شئیین بیر نئچه علامتی گیزله‌دیلیر، آنجاق اونون اصل کاراکتئریک علامتی تصورده جانلاندیریلیر. اوشاق (یا دا بؤیوک) اؤز دوشونجه‌سی و عاغلی سایه‌سینده دوغرو جوابی سالیب- چیخیر تاپیر.
تاپماجالار هم نثر، هم ده نظم بیچیمینده اولور.

۱۸-

بوستان‌دا وار بیر آروات
پالتار گئییب قات با قات
جاوابی: ؟

۱۹-

گؤیده دوغولار
یئرده بوغولار
جاوابی: ؟

۲۰-

آرابا گئدر، ایزی یوخ
یانار یانار کؤزو یوخ
جاوابی: ؟

۲۱-

دره‌ده دورموش
بیغینی بورموش
دونیا دوردقجا
یئرینده دورموش
جاوابی: ؟

۲۲-

قانادی وار اوچماغا
ایینه‌سی وار ساشماغا
سئویر ایشی، زحمتی
اودور کی وار حؤرمتی
جاوابی: ؟

۲۳-

آغاجا چیخدین آداملا
بیر نلبکی باداملا
نه دیلی وار، نه آغزی
هئی دانیشیر آداملا
جاوابی: ؟

#داوامی_وار…

۱۲- کیرپی
۱۳- توسباغا
۱۴- ایلان
۱۵- فیندیق
۱۶- گیردکان- گوز
۱۷- اییده