image_printپرینت خبر

– اونون نه استعدادی وار کی؟ سن استعداد گؤرمه‌میسن.
زنگ وورولدو. درس یئنیجه باشلامیشدی کی، آرخادان آغاج‌دَلن‌ین سسی گلدی:
– توک، توک، توک.
موعللیم سوروشدو.
– بو نه سسدی بئله؟
هامی سوسدو. قوغال پنجره‌دن گؤرونن توت آغاجینا باخدی.
موعللیم ده پنجره‌دن چؤله بویلاندی. بلکه دوغرودان دا آغاج‌دلن فصیل‌لری سهو سالیب. یازدا دئییل، پاییزدا قوناق گلیب؟!
درسه داوام ائتدیلر. بیردن موتورسیکلت تیریلتی‌سی قولاق باتیردی. موعللیم سسین هاردان گلدییینی سوروشدو. هامی سوسدو.
قوغال کوچه‌یه باخدی. شکر-ین رنگی آغاردی. موعللیم دوشوندو کی، بلکه دوغرودان دا کوچه‌دن موتورسیکلت کئچدی. درس داوام ائتدی…
بیردن طیاره سسی ائشیدیلدی:
– ویییی.
موعللیم قاش-‌قاباق‌لا صینیفه گؤز گزدیردی. هامی سوسوردو. قوغال پنجره‌نی آچیب گؤیه باخیردی. شکر-ین غضب‌دن بوغازی توتولدو. گؤیده ایسه هئچ نه گؤرونموردو.
درس داوام ائتدی. بیردن مکتب زنگین‌ین سسی ائشیدیلدی:
– دالائی، دالائی!!!
اوشاق‌لار حیطه چیخدی. آمما باشقا صینیف‌لر هله ده درس کئچیردی. ائله بیل زنگین سسینی ائشیتمه‌میشدیلر.
قوغال فخرله شکر-دن سوروشدو:
– کیم داها استعدادلی و خئیرخواه‌دیر؟! من، یوخسا نوغول؟
شکر غضب‌له دئدی:
– نوغول-ون خئیرخواه‌لیغی هامیمیزین باشینی اوجا ائتدی. او، بیر اوشاغی اؤلومدن خیلاص ائتدی. سنین خئیرخواه‌لیغین باشیمیزی یئره سوخدو. ایندی موعللیم‌ین اوزونه نئجه باخاجاییق؟
اونلار کوسوشدولر. سونرا هئچ زامان بیر نیمکت‌ده اوتورمادیلار.