image_printپرینت خبر

 

آراز آراز خان آراز
سولطان آراز خان آراز

سنی گؤروم یاناسان
ائل دردینی قان آراز

آراز سندن کیم کئچدی
کیم غرق اولدو کیم کئچدی

فلک گل ثابیت ائیله
هانسی گونوم خوش گئچدی

عزیزیم آی هارای‌لار
هر اولدوزلار هر آی‌لار

چیمن‌ده بیر گول بیتیب
سوسوزوندان هارایلار

ساوالان‌دا بوز باغلار
دؤوره‌سی یارپیز باغلار

گون اولار زامان گئچر
ائل‌لر سنه سؤز باغلار

صمد گلیر گوله گوله
دؤشونده باخ قیزیل گوله

هر الینده دؤرد کیتاب
دؤنده‌ریب تورکو دیله