image_printپرینت خبر

 

توییتر حسابیندان ائتدییی پایلاشمادا، بوریس جانسون یازیب: “اوکراینا پرزیدنتی ولادیمیر زلنسکی ایله روسیانین اوکراینا سرحدینده‌کی ناراحات ائدیجی فعالیت‌لری‌یله باغلی دانیشدیق. اینگیلتره-‌نین اوکراینانین تورپاق بوتؤو‌لویو و موستقیل‌لییینه سارسیلماز دستکینی تکرار ائتدیم”.

بو آرادا، روسیا خاریجی ایشلر باخانی‌نین معاوینی سرگئی ریابکوو امریکانین رسمی لری ایله اوکراینانین دوغوسوندا دونباس بؤلگه‌سینده‌کی وضعیتی موذاکیره ائتدی.

خاطیرلاداق کی، اوکراینانین باش قرارگاه رئیسی روسلان خومچاک ۳۰ مارس دا پارلمان‌دا ائتدییی چیخیشیندا روسیا سیلاحلی قوه‌لری‌نین حربی مانور بهانه‌سیله اوکراینا سرحدلری یاخین‌لیغینا عسگرلرینی سؤوق ائتدییینی آچیقلامیشدی.

روسیا پرزیدنتی‌نین سؤزچوسو، دمیتری پسکوو ایسه روسیانین اؤز تورپاق‌لاری ایچینده حربی مانور کئچیردییینی و بونون هئچ کیم اوچون تهدید اولمادیغینی بیلدیرمیشدی.