image_printپرینت خبر

پولکان بیر تهر قارانلیق مئشه‌ده، سیخ کول‌لوق‌لارین آرالاریندا گزدی، بو زامان آیی میخایلو ایوانوویچ اورادان کئچیردی. آیی کؤپه‌یین اییی‌نی حیس ائتدی و اطرافا باخدی. آغاجین آلتیندا آج کؤپک پولکانی گؤردو.
-نئجه‌سن دوستوم پولکان، نه یاخشی قارانلیق مئشه‌میزه تشریف بویورموسان؟
-آه، میخایلو ایوانوویچ!- پولکان جواب ئردی،- هئچ دوشونمه‌دن گلیب بورا چیخمیشام، احتیاج منی بورا گتیریب چیخاریب. قددار صاحیبیم منی حیه‌ط‌دن قوووب.
-کدرلنمه، دوستوم پولکان،- آیی دئدی. من سنه نه نه ائده‌جه‌یینی اؤیرده‌جه‌یم! منه آغانین آروادی‌نین اوشاق‌لاری ایله بیرلیک‌ده تارلادا ایشله‌دییی مکانی و زامانی دئ!
پولکان، آیی‌یا قادین‌لارین گون بویونجا ایشله‌دییی یئری آچیقلادی.
-یاخشی قولاق آس!- آیی دئدی. او ساحه‌یه گیره‌جه‌یم، گیزلی‌جه قادین‌لارا یاخین‌لاشاجاغام، سنین صاحیبی‌نین اؤولادینی بئشیک‌دن آلیب مئشه‌یه آپاراجاغام. سن ده منی قووالایاجاقسان. اوشاغی مندن خیلاص ائدیب، آغانین آروادینا آپاراجاقسان. بوندان سونرا نه اولاجاغینی اؤزون گؤره‌جکسن.
آیی‌نین دئدییی کیمی، بئله ده اولدو. آیی بیچینچی‌لره طرف سوروندو، اوشاغی بئشیک‌دن آلیب، سرعت‌له مئشه‌یه طرف قاچدی! قادین‌لار آیی‌نی گؤروب، اوراق‌لارینی یئره آتیب قیشقیرماغا باشلادیلار:
-وااااای، یوخ! اولا بیلمز! آیی کؤرپه‌نی گؤتوردو!
آیی گؤزدن ایتدی، لاکی گؤزله‌نیلمه‌ین یئردن یاشلی پولکان بیردن تاپیلدی. پولکان آیی‌نین آرخاسینجا مئشه‌یه قاچدی. اوشاغی آیی‌دان آلیب، ساکیت‌جه گتیریب صاحیبی‌نین آروادی‌نین قاباغینا قویدو.
“باخین، باخین، قادین‌لار!”- آغانین آروادی باغیراراق دئدی. بو بیزیم یاشلی پولکا‌دیر، کؤرپه‌نی آیی‌دان خیلاص ائتدی!…
قادین‌لار پولکانی سیغال‌لاماغا باشلادیلار، اونا یئمک ده وئردیلر.
پولکانی صاحیبی‌نین حیه‌طینه گتیریب دئدیلر:
-پولکانی حیه‌طدن قوودون، او ایسه سنین کؤرپه‌نی خیلاص ائتدی-آیی‌نین پنجه‌سیند آلدی. پولکان قورونمالی و بسلنمه‌لی‌دیر!
صاحیبی سئویندی. پولکانا ات و سود وئردی.
پولکان یئنی‌دن صاحیبی‌نین حیه‌سینده یاشاماغا باشلادی و مئشه‌ده‌کی دوستو آیی‌نی، تئز- تئز خاطیرلاییردی: “میخایلو ایوانوویچ! گوج‌لو دوست‌لوغوموزو هئچ واخت اونوتمایاجاغام!”