image_printپرینت خبر

شاطیر و شاطیرچی‌لیق سؤزجویونو آچیقلاساق ایندیکی آنلامدا کی چؤرک‌خانا شاطیرچی‌لیق مفهومونو داشیمیر. کئچمیش چاغ‌لاردا شاطیرین اؤزونه عایید باشقا آنلامی و پئشه‌سی وارمیش. اصلی و کرم داستان‌لاریندا شاطیر سؤزجویوندن چوْخلو سؤزلر گئدیر. صفوی‌لر دؤورونده شاطیر سئچمک آیینی یا دبی ده وارمیش. بو مینوالدا کی اسکی چاغ‌لار بللی بیر مسافه نظرده آلینیرمیش و شهرین ان زیرنگ و سۆرعتلی‌لری آخشاما کیمی اوْ مسافه‌نی قاچیب قاییتمالی ایمیش‌لار. بو یاریش‌دا هامییا غالیب گلن و اوغور قازانان، پادیشاه درباری‌نین شاطیری سئچیلیرمیش. شاطیرلارین گؤره‌ولری اؤنملی خبرلری بللی اوْلان و ایسته‌نیلن یئرلره در حال چاتدیرماق ‌ایمیش.

آدینی چکدیییمیز بو بینا مهر آیی‌نین ۱۳۸۱-نجی ایلینده “۶۱۸۹” نومره‌سی ایله میللی ثبته یئتیریلیب، آنجاق ایل‌لردیر بیر اونودولموش تاریخ کیمی اردبیل‌ین اطراف کؤوشن‌لرینده یییه‌سیز و کیمسه‌سیز بوراخیلیب، بو گؤز‌للیکده بینانی دینله‌ین یوْخدور بلکه ده اوْنو بیر تاریخ لکه‌سی کیمی گؤرورلر کی، ایل‌لردیر سس‌سیز – سمیرسیز قیرمیزی کرپیج‌لرینه قار، یاغیش و شاختا آمانسیزجا یئریکله‌ییر. سانکی بو تیکینتی سرت دوْغا و آجیماز اینسان‌لارلا دؤیوشمکده‌دیر.

#سون.