image_printپرینت خبر

 

ظریف، اینستاگرام حسابیندان وئردییی یازی‌لی آچیقلامادا، حکومت آرشیولرین‌دن اوغورلاندیغی آچیق‌لانان و خاریجی بیر مئدیا قورولوشونا سیزدیریلدیق‌دان سونرا ایران‌دا سیاستین گوند‌مینه اوتوران مصاحبه ایله باغلی دگرلندیرمه وئردی.
ایران خاریجی ایشلر باخانی آچیقلادی، “ایر‌لی‌ده‌کی دؤورلرده وظیفه‌یه گله‌جک دؤولت آدام‌لاری‌نین ایستیفاده‌سینه سونماق اوچون ۸ ایل‌لیک تجروبه‌نی کؤچورمک آدینا دیپلوماسی و میدان فعالیت‌لری‌نین اله آلیندیغی تئوریک گیزلی بیر دانیشمانین اؤلکه ایچی چکیشمه و فردی تنقید قونوسو حالینا گلمه‌سی منی چوخ کدرلندیردی”.
آچیقلامادا، سپاها باغلی قدس گوجو اسکی باشچیسی قاسم سلیمانی‌نی “تعریفله‌ین” ظریف، ۲۰ ایلدن داها چوخ مدت دوستلوق‌لاری اولان سلیمانینی اولوسلارآراسی محفیل‌لرده ساووندوغونو ایفاده ائتدی.
متخصص‌لرین دوغرو بیلدییی قونولاردا اؤز فیکیرلرینی چکینمه‌دن دیله گتیرمه‌لری لازیم اولدوغونو، شخصی راحت‌لیق و چیخارلاری اوغرونا اوتوسانسورون خیانت معناسینیا گله‌جه‌یینی یازان ظریف،
“۴۰ ایل بویونجا (سیاسی) تحلیل‌لریم‌ده مجتهد و ایجرا قونوسون‌دا مقلد اولماغا چالیشدیم” ایفاده‌لرینی ایشلتدی.
اؤلکه سیاست‌لرینین گرچک‌لشدیریلمه‌سین‌ده “عسگرلر” و “دیپلومات‌لارین” ساحه‌ده و دیپلوماتیک ساحه‌لرده بیر-بیرلرینی تاماملایان ایکی عنصور اولدوغونا ایشاره ائد‌ن ظریف، اؤلکه منفعت‌لرینی و ایران خالقینی قوروماق اوچون وئردییی سؤزه باغلی قالدیغینی قید ائتدی.
ظریف، سس فایلیندا یئر آلان، “روسیانین نوکلئر آنلاشمانی انگل‌لمه‌یه چابالاری ایله” باغلی آچیقلامالارینا ایسه توخونمادی.
لندن‌دن فارسجا یاییملانان ایران اینترنشنال، گئچن گونلرده، ایران‌لی اقتصادچی سعید لیلازین ظریف ایله مارس آیین‌دا ائتدیگی صحبتین ۳ ساعات داوام ائد‌ن سس فایلیندان بیر بؤلومونو یاییملامیشدی.

ایران خاریجی ایشلر باخانلیغی سس فایلینی دوغرولامیش آنجاق صحبتین یایینلانماق اوچون دئییل، آرشیو اوچون ائدیلدییینی آچیقلامیشدی.

ظریف، صحبت‌ده ایچ و خاریجی سیاستله باغلی اؤنملی آچیقلامالار وئرمیش، سپاها باغلی قدس گوجو اسکی باشچیسی سلیمانینی خاریجی ایشلر دیپلوماسی‌سینی یؤنلندیرمه‌سی سببیله تنقید ائتمیش و “روسیانین نوکلئر آنلاشمانی انگل‌لمه‌یه چالیشدیغینی” دیله گتیرمیشدی.

سس فایلی‌نین اورتایا چیخماسی‌نین آردیندان ایران‌داکی محافظه‌کار قزئتلر ظریفی هدف آلان باش‌لیقلار آتمیش، ایران مجلی‌سین‌دن ده “استعفا” چاغیریش‌لاری ائدیلمیشدی.