image_printپرینت خبر

گون¬لرین بیر گونونده، یئنه ده علی دایی¬نین کئچی¬لری هئش¬زاد اوسته، سؤزلشدیلر. باغچا دا بیر اوووج یئم¬دن اؤتورو دئییشدیلر:
-یئم¬لری اؤنجه من گؤردوم …
-خئییر، اؤزوم گؤردوم …
-قویمارام یئم¬لری الیمدن آلاسان!
-من هئچ قویمارام، سن منیم الیمدن آلاسان!
-ایندی کی، بئله اولدو آل گلسین … چات!…
-ائله ده سن ده توت … پات! …
نه ده باش¬لاری برک ایدی! … دالی آیاق¬لارینین اوستونه قالخیب، دؤیوشوردولر:
-چات! …
-پات! …
گئت به گئت داعوا قیزیشیردی. کئچی¬لر بیر- بیرینی چکه- چکه باغین دیبینه آپاردیلار. علی دایی آری پَتک¬لرینی اوردا بیر- بیرینین اوستونه دوزموشدو. کئچی¬لرین باشی دؤیوشمه¬یه قیزیشمیشدی، بیردن ویریب، پَتک¬لرین بیرینی آشیردیلار. آری¬لار پتک¬لردن ائشیگه تؤکولدولر … گؤزو آچیب- یومانا کیمی کئچی¬لرین اؤز- گؤزونو، بورون- قولاغینی سانجیب، ویزیلدادیلار. او زمان کئچی¬لرین دؤیوشمه، بوینوزلاشماسی دا یاتدی! کئچی¬لرین هر بیری گلدیگی یولدان قاییتدیلار! آما آری¬لارین ال چکن گونو یوخ ایدی، کئچی¬لری قووالاییردیلار.
بیرآز سونرا کئچی¬لر اؤزلرینه گلنده گؤردولر، بوتون اؤز- گؤزلری شیشیب، هؤرولوب. علی دایی دا هرزادی پنجره¬دن گؤروردو، اما کئچی¬لرین هئچ بیرینه اوره¬یی یانمادی، هله اوسته¬لیک اؤز- اؤزونه دئدی:
-لاپ دا یاخجی اولدو، ایندی گونوزه چاتدیز، آرخایین اولدوز.