image_printپرینت خبر

بئله کی اثرلری اون¬لارجا دیله چئوریلمیش، آرخاسیندا بوراخدیغی سما عنعنه¬سی یونئسکو اینسان¬لیغین غئیری-ماددی مدنی ارث نوماینده¬لییی لیسته‌سینه گیرمیش و هر ایل ائدیلن شب-ی عروس مراسیم¬لری یونیوئرسال بیر اؤلچو قازاندی.
مؤولانایا گؤره سئوگی، بیزیم بیلدییمیز معنادا دونیوی بیر سئوگی دئییل¬دیر، ساده¬جه ایلاهی سئوگی¬دیر. اوندان باشقاسینا عاشیق اولماق ساده¬جه کئچیجی بیر هوس¬دیر. تانری دونیانی سئوگی¬یه گؤره یاراتمیش‌دیر اونا گؤره ده هر شئیین تملینده سئوگی واردیر. مؤولانایا گؤره حقیقی سئوگی قارشیلیغی اولمایان سئوگی¬دیر.
سئوگی¬یه گؤره پالتاری ییرتیلان، عصب¬دن و عاییب‌دان تمیزلندییینی، سئوگی¬نین بوتون خسته¬لیک‌لرین حکیمی، کیبر و عظمتین درمانی اولدوغونو، تورپاق‌دان یارادیلان بدنین سئوگی ایله اوجالدیغینی سؤیله¬ین مؤولانا : اینسان¬لارین حیرص-تاماه، کیبر، قیسقانج‌لیق و کین کیمی پیس خاصییت¬لردن آنجاق ایلاهی سئوگی ایله تمیزلندیینی قئید ائتمک ایستر. جمعیت¬ده ایلاهی سئوگی ایله معنوی عالمی تانییان¬لار چوخلوق اولورسا آخساقلیق¬لار دوزه‌لر، ساکیت¬لیک حاکیم اولار.
سئون¬لر أن سوندا بیر یئرده گؤروشمزلر. اونلار أن باشیندان بری بیر- بیرلری‌نین ایچینده¬لر. مؤولانا.
مؤولانانین دوشونجه¬لرینی و اؤزوندن سونرا گلن مؤولالی‌لیک طریقتی‌نین اساس آلدیغی اینانج سیستمی تصووف اینانجی‌دیر. تصووف اوچون عرفان‌ین اسلام‌دا قارشیمیزا چیخان خیالی دئیه بیلریک. تصووف اینانجینا گؤره بوتون جانلی‌لار یارادانین صورتی‌دیر، اوندان بیر پارچادیر. کایینات‌دا اولان بوتون شئی‌لر اونون یانسیماسی‌دیر. آللاه‌دان باشقا یارادان یوخ‌دور، او عزلی و ابدی¬دیر، اینسان دا آللاه‌دان گلمیشدیر و یئنه ده اونا دؤنه¬جک‌دیر. تصووف اینانجی بو موطلق گرچه¬یه گؤره بیر حیات سوردورمه¬یی گرکدیریر و اوچ تمل دوشونجه¬یه دایانیر. ذکر، صبر و شوکور.
مؤولانا اوچون یاشامادیغین اصیل مقصدی یارادیلیشین تمل اولان تانری‌یا چاتماق¬دیر. اونا گؤره ده حیات، ایلاهی اولانین بیر پارچاسی¬دیر و هر زامان اونا گئری دؤنمه¬یه چالیشیر.
مؤولانایا گؤره، آللاه اؤز صنعت و صیفتینی گؤسترمک ایسته¬یینجه دونیایی، اؤز شخصینی گؤسترمک ایسته¬یینجه آدمی یاراتمیش.

#داوامی_وار…