image_printپرینت خبر

گولشن باغچادا اونو گؤزله‌ییردی. تاختا اوتورجاق‌دا ایلشدیلر. نیجات قارمانی دیزینین اوستونه قویدو. «جوجه‌لریم» ماهنی‌سینی ایفا ائتدی. گولشن ماراق¬لا اونون قارمانینا باخیردی. نیجات موسیقی‌نی بیتیریب قارمانی گولشنه اوزاتدی: -آل
گولشن قارمانی قوجاغینا آلدی. بارماق‌لارینی قارمانا توخوندوردو. موسیقی سسی اوشاق‌لاری شن¬لندیریردی. نیجات ائولرینه گئتمک ایسته‌میردی. او گئتسه دوستونو قارمان‌دان آیراجاق¬دی. نئجه ائتسین¬لر کی،
ایکی‌سینین ده قارمانی اولسون؟
نیجات دئدی:
-من ایسته‌ییرم، سنین ده قارمانون اولسون.
– نئیله‌یه‌ک؟ گولشن
قارمان‌دان آیریلماق ایسته‌میردی.
نیجات بیرآز فیکیرلشیب سئوینجک دئدی:
– گل قارمانی بؤله‌ک!
گولشن ده قارمانون بؤلونمه‌سینی ایسته‌دی. اوندا ایکی‌سینین ده قارمانی اولاجاق‌دی. نیجات ائولرینه قاچدی. بیرآز‌دان الینده‌کی میشارلا گئری دؤندو. قارمانی یئره قویدولار. گولشن میشارین بیر اوجوندان، نیجات ایسه او بیری اوجوندان توتموشدو.
اوشاق‌لار قارمانی ایکی یئره بؤلدولر. بیر حیسسه‌سینی گولشن، او بیری حیسسه‌سینی نیجات گؤتوردو. ایندی ایکی‌سینین ده قارمانی واردی. اوشاق‌لار سئوینیردیلر.
گولشن دئدی:
– گل ایکیمیز ده ایفا ائدک اما قارمان سسلنمه‌دی. موسیقی آلتینی بؤلمک‌له اونو زد‌لمیش¬دیلر. نیجات پرت اولموشدو. گولشن قارمانا باخیب آغلاماغا باشلادی. اوشاق‌لار قارمانی بؤلمک‌له اونو زد‌ه‌له‌دیک‌لرینی باشا دوشموشدولر.