image_printپرینت خبر

اولدوزسان می یا دنیز؟!
گؤزلرین آهو گؤزو
الین- اوزون تر- تمیز

منم نارین داناسی
شیرین نارین بالاسی
چیلله گئجه‌لری‌نین
من‌سیز یوخ‌دور صفاسی

آنام بیزی بسله‌ییب
کؤنلونده مین بیر دانا
آیریلاندا آنام‌دان
اوره‌یی دؤنر قانا

یئریمده میخلاندیم. سونرا من ده دئدیم:
سلام آی نار داناسی
مین بیر دردین داواسی
آدین- دادین گؤزل‌دیر
آی پاییزین صفاسی
بیز بیری- بیریمیز ایله تانیش اولدوق. بئله‌لیکده دوستلوغوموز باشلادی. سونرا من اونا دئدیم:
-نار داناسی دئنه گؤروم هارالی‌سان؟ هاردا یاشارسان؟ نئجه او قالین‌لیقدا قابیغین ایچینده، او کیچیک‌لیکده یئرده، آنان سیزی بسله‌ییب، سیزی بوبا- باشا چاتدیریب؟ دئنه گؤروم بوردا نه ایش گؤرورسن؟ نئجه اولدو بوردان باش چیخارتدین؟
نار داناسی دئدی:
منیم آدیم اناردیر. منه نار دا دییرلر. قرآن-دا من‌دن چوخ سؤز وار. دوغوم یئریم ایلک‌باشدا ایران ایدی. اما ایندی چوخلو اؤلکه‌لرده منی اکیرلر. نار آغاجی‌نین بویو، قیسسادیر، اما اوره‌یی گئنیش‌دیر. نه چوخ سویوق، نه چوخ ایستی یئرده اکیلر. نارین گول‌لری بؤیوک اولار، رنگی ده قیرمزی، اما ایی‌سیز اولار. منیم خالالاریم- دایی‌لاریم گاه‌دان دا اورمان‌دا اؤز- اؤزونه بیترلر. اما باغ‌لاردا نارین داناسینی اکرلر . یاغیش یاغار، گون دوشر، گاه‌دان باغبان سو وئرر. مواظب اولار نارآغاج‌لاری بؤیوسونلر. بعضی‌لریمیز بتر شیرین، بعضی‌لریمیزده تورش اولاریق. اما شیرین نار معده‌یه فایدالی‌دیر. نار باش‌دان- آیاغا ویتامین‌دیر. اما دمیردن زاددان دا منده تاپیلار. سیز اینسان‌لار نارین سویوندان دا چوخ استفاده ائلرسیز. قالین قابیق‌لارین رنگی قیرمزس، گاه‌دان دا ساری اولار کی، انلاردان داوا اوچون استفاده اولار. اودور کی دیییرلر «نار جنت میوه‌سی دیر». رسم‌دیر چیلله گئجه‌سینده نار یئییلسین.
بونو دئینده سؤزونو کسدیم، دئدیم:
-هن! بوگون ده چیلله گئجه‌سی اولدوغونا گؤره آنام گیل نار دانالامیشدیلار.
بیز دانیشا- دانیشا، گؤزو ساتاشدی بوشقاب‌دا کی نارلارا کی، ساپا دوزولموشدو. دئدی:
-اونلار سنین بویون- قولاغیندا چوخ گؤزل گؤرونوردو. من ده چوخ سئوینیردیم.آنان کی گلدی اونلاری بوینوندان آچسین، تئز من اونلاردان آیریلیب، سیچرادیم تختین آلتینا. آخی ایستیردیم سنینله دانیشیب دوست اولام. منیم آنام، خالام، تای-توش‌لاری بیر نارآغاجیندان سیرغاکیمی آسلانمیشدیلار. باغبان گلدی اونلاری دریب بازارا گتیردی . نه یاخجی کی منیم آنام سیزین ائویزه گلدی. من ده سنینله تانیش اولدوم. آخی سن چوخ واقت‌لار تک اولاردین. اما ایندی داها تک دییلسن.
من درین- درین نار داناسی‌نین سؤزلرینه قولاق آسیردیم. بیر طرف‌دن نار داناسی‌نین آناسیندان آیریلدیغینا بتر ناراحت ایدیم. بیر طرف‌دن ده سئوینیردیم اونونلا تانیشیب دوست اولموشام. آما حئییف کی بو دوست‌لوق چوخ دوام ائتمه‌دی.

#سون.