image_printپرینت خبر

ـ نئیله‌ییرسن، آ بالا، چیخ گئت یولونلا..
اوغلان ال چکمیر.
ننه حیرص‌له:
ـ جهنّمه گئدیرم، ال چک!ـ دئییر.
طوطوقوشو دیل‌لنیر:
اولماز … اولماز…
اوغلان یئنه ‌ده دیل‌لنیر:
ـ ننه، نه ایسته‌ییرسن؟
ننه:
ـ اؤلمک ایسته‌ییرم، ـ دئییر.
طوطوقوشو دیل‌لنیر:
اولماز … اولماز…
اوغلان سوروشور:
ـ قاری ننه، هاردا اؤلمک ایسته‌ییرسن؟!
ننه دیل‌لنیر:
ـ ائویم‌ده.
طوطوقوشو دیل‌لنیر:
ـ اولماز … اولماز…
اوغلان:
ـ ننه، داها نه ایسته‌ییرسن؟
قاری ننه دئییر:
ـ بو طوطوقوشونون اَتینی یئمک ایسته‌ییرم.
طوطوقوشو هیجان‌لا دئییر:
ـ اولماز، اولماز، آمان، اولماز!
ننه، طوطوقوشونون قورخدوغونو گؤروب، گولور.
ـ آی طوطوقوشو، نییه اولماز، اولماز سالمیسان آخی؟
طوطوقوشو قانادلارینی یان‌لارینا چیرپیب دیل‌لنیر:
ــ ناغیلین قالیب،دانیشمامیسان،
اوغلان‌دان حالینی سوروشمامیسان،
بابادا سندن دونندن کوسوب،
بابایلا هله باریشمامیسان،
ائوینده اؤلسن اوشاق‌لار قورخار. باخ بونا گؤره ده:
اولماز … اولماز … قاری ننه اولماز…
ننه دئییر:
ـ آی طوطوقوشو، سن بونلاری هاردان بیلیرسن؟
طوطوقوشو:
ـ اوچا بیلمیرم، آما گزیرم، بابایلا سنی هر گون گؤرورم. آی ننه، سندن چوخ شئی دئمیرم، تک بیرجه دفعه ناغیل دیله‌ییرم، ناغیل دئمه‌میش، آماندی اؤلمه، اؤلمه!
ننه گولدو. طوطوقوشونا دئدی:
ـ قوناق گل آخشام بیزه،
خاشیل بیشیریم سیزه.
بیرده هر گون بوللوجا
ناغیل دئیه‌رم سیزه.
طوطوقوش سئوینیب، دئدی:
ـ ساغ اول آی ننه، ساغ اول،
وار اول، آی ننه، وار اول!
اوشاق‌لار، گلین، گلین، قاری ننه ساغ‌دی، بیزده گئدک قوناق‌لیغا! ننه بیزی گؤزله‌ییر، بیزه ناغیل دانیشاجاق!