image_printپرینت خبر

🔸گولن‌آی (بوغا، اردیبهشت): بو هفته سییزه یاردیم ائدن یالنیز اؤزوز اولاجاق¬سیز. یارالاریزین اوستونه دوز سپمه¬یین و اؤزوز ایله داها مهریبان داورانین. چئورزده اولان قالابالیق¬دان بیرآز آرا آچین و بیر بوجاقدا ذهنی آرامشه چاتماغا چالیشین. دوغانی سئون و اونا سایقی دویان بیر کیمسه اولاراق، سئودیییز گول- چیچه¬یی آلین و ائوی بیتگی-لرله دولدورون. دوغا ایله اوغراشدیقجا اونون انرژی¬سی سیزی ائتگی¬لندیریر. هاوالار خوشالیر یاواش- یاواش دیشاری چیخیب، لذت آپارماق وقتی گلیر.

🔸قیزاران آی (ائکیزلر، خرداد): بیرآز دا گؤزلویوب، صبیرلی اولون. سئوینجیز یاخیندا دیر. ایسته¬دییز پیامی آلاجاق¬سیز. ایچیزده بیر سرّ وار، اونو کیمسه ایله پایلاشمایین! سرّ ایچه¬ریده اولارکن، سرّ دیر، آغیزدان چیخاندان سونرا اونا سرّ دئمک اولماز! بیر یئره چاغریلاجاق-سیز، منجه بو دعوتی قبول ائتمه¬سز داها یاخجی دیر. سیزین اونلارلا هئچ اوخشارلیغیز یوخدور! اؤز یئریزی تانیین. الیز بیر کس و یا بیر شئی¬دن اوزولوب، بیر مقدار چالیشمالاریزی چوخالدین و البته اونا چاتماغا دعا ائلیین.

🔸قورا پیشیرن (یئنگج، تیر): اوزاق¬دا اولان مسافیریزین حالی یاخجی دیر و بو تئزلیکده قاییداجاق. بیری¬لری ایله دردلشیب کؤنلوزده اولان¬لاری پایلاشاندا، گؤرورسوز کی، یالنیز سیزین غمیز یوخدور، سیزه تای و سیزدن داها چوخ چتین¬لیکده اولان¬لارین سایی چوخ- چوخدور. اومودسوز اولمایین، صاباح بیر باشقا گوندور. چوخدان دیر بیر ایشی گؤرمه¬یی یوبالدیرسیز، اونو باشلایین و آداق- آداق ایرلی گئتدیکجه، داها چوخ رضایت و آرامشه چاتماغیزی ساغلایین. سوروملولوق¬لار آزالدیقجا، آدام آرخایین¬لاشیر.

#آردی_وار…

@SancaqDergisi
https://t.me/Sancaq_media/2574

⭕️هفته‌لیک فالینیز
✍ حاضیرلایان: #اولجای_مرآتی

🔸قویروق دوغان (آسلان، مرداد): بیر نفرین گئتمه¬سی کؤنلوزده بؤیوک بیر غم یاراتدی. یاشاییش دوام ائدیر! چاره نه دیر؟ هامی بیر گون گئتمه¬لی دیر. غم- غصه¬نی یئره قویون و بو شله¬نین آغیرلیغیندان قورتولون. بیر مسئله حاقیندا اگر ایستییرسیز سیزی آنلاسین¬لار، گره¬ک هرزادین دوزونو آچیب، دئیه¬سیز. سیزین قازانماغیز کسین دیر، تکجه شرطی قورال¬لارا اویماغیز دیر. عاطفی بیر مسئله حاقیندا کؤنزلیک ائتمه¬یین! سئویندیریجی بیر خبرله چوخ¬لارینی سئویندیره بیلرسیز.

🔸زومار (باشاق، شهریور): سیزدن بیر سورغو سوروشولوب و یا بیر ایش تکلیفی آلیب¬سیز. اونا جواب وئرمه¬یه تلسمه¬یین! دوزگون دوشونوب- داشینین و لازم اولان بیلگی¬لری اله گتیرین. بیر سهویز اولوب، تئزلیک¬له بو سهو اوچون عذر ایسته¬یین! بو داها یاخجی دیر. سیزین ایستک¬لریزه چاتماغیزا اولان ماراغیز چوخ یاخجی دیر، آنجاق هر ایشین اؤز زمانی وار. نیّتیز چوخ یاخجی دیر، آما بونو هامی بیلمیر، اؤنجه یاواش- یاواش دورومو بئله بیر ایشین گؤرمه¬یینه آماده ائلیین و سونرا باشلایین.

🔸خزل (ترازی، مهر): سیزدن رجا ائدیرم بیر مقدار دانیشیغیزدا دقت ائلییه¬سیز. یانلیش آنلاشما¬لار هر زمان اولار، اونلار سیزین خیرخواه بیر انسان اولدوغوزو بیلمه-یینجه، اوزولمک یئرینه، بیر داها ایستک و ایش¬لریزی آچیق-لایین. سیز چوخ اؤزل بیر کیملییه مالک اولان بیر انسان¬سیز بو اوزدن سیزدن رجا ائدیرم بیر مقدار یئرسیز شوبهه¬لنمک و قوشقولانماق¬دان ساخینیب، منطق اوزره قاباغا گئده¬سیز! اؤنوزده اولان آدامین ارزیشی چوخ- چوخدور اونون اوچون یولوزو دییشیب، بیرداها فرصت وئرمک اولا بیلر.

🔸قیروو (عقرب، آبان): بیر ایش پروژه¬سینی اوغورلا سونا چاتدیراجاق¬سیز. بو هفته ائویزه بیر قوناق گله¬جک، اونون قدمی چوخ اوغورلو و خئیر- برکت¬لی اولاجاق. اونو آچیق کؤنول و گولر اوزله قارشیلایین. بیر نسنه¬نی آلماغا تلسمه¬یین! بورج ائلییب و یا اؤزوزو اونون پولونو جورلمه¬یه زورلاماق¬لا، داها چوخ چتین¬لییه دوشه بیلرسییز. اوغورلاری دوشونمک چوخ یاخجی دیر، آنجاق پلّه¬نی بیر- بیر چیخماق گره¬ک! بو مورد ده بیر مقدار احتیاط ائتمه¬لی سیز. بو هفته بیر هدیه آلماق سیزی چوخ سئویندیره¬جک.

#آردی_وار…

@SancaqDergisi
https://t.me/Sancaq_media/2574

⭕️هفته‌لیک فالینیز
✍ حاضیرلایان: #اولجای_مرآتی

🔸آزر (یای، آذر): آرخازدا دانیشلدیغی سؤز بو هفته قولاغیزا چاتاجاق. بو قولاغیزدان آلین، او بیری قولاغیزدان وئرین گئتسین! سیز خیرخواه و مهریبان بیر آدامسیز و هر زمان هامی¬نین یاخجیلیغینی ایستییرسیز، بو اوزدن بو قدر اؤزوزو سیخمایین. بیر خبر سیزی چوخ چالشدیراجاق، منجه الیز چاتمادیغی بیر شئیی چوخ اؤنمسه¬مه¬یین. بیر نفر سیزی چوخ سئویر داها چوخ اونا فکر وئرین. بیر سفر برنامه¬سی کنسل اولاجاق، بیر شخصین غمی سیزی ده اوزه بیلر، روحیه¬زی حفظ ائلیین و بو دوروم¬دا اونا یاردیم ائدین.

🔸چیلله (اوغلاق، دی): سیزی دینله¬ین کیمسه ایله دانیشین! بیر مدت دیر بیر ایشی اؤیرنمک و یا بعضی بیلگی¬لری اله گتیرمک¬له اوغراشیرسیز، اصلی یولدان چیخمایین آما، ذهنیزه گلن یئنی یول¬لاری دا دنه¬یین. هئچ کسین ایستک¬لری او بیریسی ایله عئینی دییل، بونون معناسی، بیرلیکده اولماقدان ناراضی اولماق دییل. بو قدر دورقون¬لوق سیزی اومودسوز ائلییب، ندن بو قدر اؤزوزو اینجیدیرسیز، آیاغا قالخین، ایستک¬لر و آماج¬لاریزی تعیین ائدین و اونلارا چاتماغا چالیشین. یوخسا چوخ بئواخت اولار!

🔸دوندوران آی (قووا، بهمن): بیر مسئله¬ سیزی چوخ اندیشه-لندیریب، بیر تلفن اولونوب، سیزی او باره¬ده آرخایین ائده-جک. بیر نفری چوخ اؤنمسه¬ییرسیز و اونون سئویندیرمک فکرینده¬سیز. اونون اوچون ان باهالی هدیه سیزین وقتیز اولا بیلر. اونا وقت آییرین و کؤنول سؤز¬لرینی دینله¬یین. بیر مسئله حاقیندا ایکی اورک¬لی قالیب¬سیز، بیر دفعه ده فکرلشین و ایشی هر یؤنلو سالیب- چییخین. البته بونو دا اونوتمایین، سیزه بو قدر اؤنملی و حیاتی اولان مسئله، لزوماً هامی¬یا اؤنملی دییل. قونونو اؤزوزه بؤیودورسوز!

🔸بایرام (بالیقلار، اسفند): گؤزلمه¬دییز بیر گؤروشوز اولاجاق. بالاجا تارتیشما¬لاری، بؤیوک آنلاشمازلیق¬لارا چئویرمه-یین! بیر مقدار عصبی¬لشمه¬ییزی کنترل ائلیین. بیر نفری لطف و محبتیزله- او بونو دیلینه گتیرمسه بیله- شرمنده ائلییه-جک¬سیز. دویغوسال بیر قونو حاقدا زور دئمه¬یین، اوندا هم اؤزوز راحات¬سیز اولور سوز، هم اونو اینجیدیرسیز. بئله بیر مسئله¬لرده نه قدر انعطاف¬لی اولوب، اؤنوزده اولان کیمسه¬یه دَیَر وئره بیلسز بیر او قدر اؤزوز راضی و ممنون اولاجاق¬سیز. اونون دا اوره¬یی وار، بو قدر بیله¬سینی اینجیتمه¬یین!

@SancaqDergisi
https://t.me/Sancaq_media/2574