image_printپرینت خبر

🔸گولن‌آی (بوغا، اردیبهشت): سیزه ارزش وئرمه¬دیی آداما، بو قدر اؤزوزو یورمایین. آدام او آداما اؤلر کی، او آدامدا اونا تب ائله¬سین. دانیشا بیلدییمیز هر سؤزو لازم دییل آغزیمیزا گتیره¬گ، بیر مقدار دانیشیق¬لاریزا دقت ائلیین! بو هفته چوخ یاخجی بیر اولای سیزی و عائله¬زی سئویندیره¬جک. هزینه¬¬لریزی مدیریت ائتمه¬ییز آلقیشا لاییق دیر. آفرین سیزه! بو بیریکدیردییز پول یاخین گله¬جکده لازیمیز اولاجاق و چوخ الیزدن توتاجاق. بو گون¬لر، بو باهالیقدا هله- هله سیز باشاریدا آدام تاپماق اولماز.

🔸قیزاران آی (ائکیزلر، خرداد): اینانماق، باشاری¬نین یاریسی دیر. سندن حرکت آللاهدان برکت. ایستک¬لریزه چاتماق اوچون بیرینجی آددیم نیّت ائتمک دیر. بو گون¬لر بیر عزیز کیمسه و یا بیرزاددان نگران¬سیز. آرامشیزی حفظ ائلیین و نگران اولمایین، فایداسیز ایش¬لردن ساخینین و یئرسیزینه اؤزوزو چتین¬لییه سالمایین. بیر گوشه¬ده اوتورون و هرزادین دوزلمه¬سینی زمانا تاپشیرین. سیز وقتینده الیزدن گلن ایشی گؤروبسوز بوندان بویاناسی قالیب آللاها. هر کسه اوره¬ک سؤز-لریزی دئمه¬یین.

🔸قورا پیشیرن (یئنگج، تیر): سونوجو اولمایان ایش¬لره گیریشمه¬یین، یوخسا هم اؤزوز و هم چئورزده¬کی¬لری اینجیده¬جکسیز. ایش¬لری یولونا سالماق اوچون یالان دانیشمایین! دوز دانیشین و سهولریزی جبران ائتمه¬یه چالیشین. بیر مقدار اؤزوزه یئتیشین، ساغلام¬لیغیزی جدی توتون، استراحت ائله‌یین و تغذیه¬زده دقت¬لی اولون بئله اولونجا بیر او آندا گؤره¬جکسیز هرزاد اؤز- اؤزونه دوزلدی و ایش¬لر سهمانا دوشدو.

🔸قویروق دوغان (آسلان، مرداد): بیر خبر سیزی چوخ نگران ائله‌یه¬جک. اما دوروم بیر او قدر ده پیس دییل. بو دوروم فکرین ائله¬مه¬دییز قدر راحات بیتیب، قورتولاجاق. بیر نفرین حضورو یاشامیزا هیجان و ایستی¬لیک گتیره¬جک. بیر مقدار دویغولاریزی کنترل ائلیین و عاغیل¬لی داورانین. دویغوسال¬لیق یاخجی دیر، آنجاق اجازه وئرمه¬یین ایش¬لریزین ایره‌لی¬لمه¬سینی انگل¬لسین. بیر ایش بوینوزا قویولوب آما سانکی اونو گؤرمه-یی اونودوبسوز! اگر ایستییرسیز اعتباریز زده¬لنمه¬سین بو ایشی گؤرون قورتارین.

🔸زومار (باشاق، شهریور): بیر نفرله گؤروشمک فکریندن چوخ هیجان¬لانیب، سئوینیرسیز. گؤزلمه¬دییز بیر ایش سیزه تاپشیریلاجاق، بو ایشی قبول ائتمکدن اؤنجه یاخجی دوشونوب، داشینین. بعضی وقت¬لر دانلاق ائشیدیرسیز. بو دانلاق سیزی چوخ ناراحات ائلییر، اما منجه ناراحات اولمایین و اؤز- اؤزوزه دئیین گؤره¬سن من نه ایش گؤروم کی، منی دانلاییرلار؟! شکست-لریزدن درس آلین، چالیشمالاریزی چوخالدین و بو شکستی جبران ائتمک اوچون الیزدن گله¬نی اسیرگمه¬یین.

🔸خزل (ترازی، مهر): ایش یئرینده سیزه فخر ساتان و غرورلا داورانان بیر آدام¬لا بو قدر اوغراشمایین. بو مسئله¬نین هئچ اؤنمی یوخدور. باشقا بیر آدام¬لا امکداش¬لیق ائلیین و ایشیزین ایرلی گئتمه¬یینه شاهد اولون. سئوینج¬لریزی اؤنم¬سیز سؤز¬لر اوچون آرادان آپارمایین. یاخین¬لیغیزدا اولان باش آشاغی و سایقی¬دَیَر آدامین قدرینی بیلین و اونا حؤرمت بسله-یین. هر نه قدر سایقیلی داورانا بیلسز، بیر او قدر محترم بیر آداما چئوریله بیلرسیز. ارزیشی اولمایان هر سؤزو دانیشیب، یایمایین، آدام اؤزو یونگول اولار!

🔸قیروو (عقرب، آبان): عائله¬وی بیر تارتیشمادا اؤزو ایستک¬لریزی هامییا توضیح وئرمک اوچون چوخ اوغراشیب، اینجییه¬جکسیز. اوزون- اوزادی بحث¬لر سیزی یوراجاق آما اولسون ارزیشی وار. سایقی چرچیوه¬سینده ایستک¬لریزدن دانیشین و اونلارا چاتماق اوچون باشاردیغیز هر ایشی گؤرون و یورولمایین. ایش¬لریزی تئز- تئز گؤروب، قورتارا بیلسز، دالی دوشموش بیر ایشیزی ده، گؤرمک اوچون فرصتیز اولاجاق. هر نه قدر ایش¬لریزی تئز قورتارساز، بیر او قدر تئز مُزد آلا بیلرسیز.

🔸آزر (یای، آذر): بیر نفرین سؤز¬لرینه آلدانمایین، اوندان گلن خیری ایسته¬مه¬یین و اوندان فاصله آچین. بعضی مسائل دانیشماغینا دَیمز. ضررین هر یئریندن قاییتساز منفعت دیر. بوگون بیر مقدار بعضی مسائل اوچون داریخساز دا، بیر عؤمر غم¬لی یاشاماقدان یاخجی دیر. اؤنملی بیر گؤروش سیزی چوخ سئویندیره¬جک. بیر خاطره سیزی چوخ راحات¬سیز ائدیر، اوندان قاچماق فایداسیز دیر، اونونلا اوز به اوز اولون و سورون¬لاری بیتیرین. بو سیزین عهده¬زدن ایراق اولسا بیر مشاوردن یاردیم آلین.

🔸چیلله (اوغلاق، دی): بعضی ایستک¬لریزه چاتماق اوچون، بعضی ایستک¬لریزدن واز گئچمه¬لی¬سیز. قدیم زماندان کؤنلوزده اولان بیر یارا توخدایاجاق. بو توختاخلیق باعث اولور داها راحات ایستک¬لریزه فکر وئره بیله¬سییز. بیر شئ سیزه آرزو اولوب، بو آرزویا چاتماق نظریزه چوخ چتین گلیر. آما هئچ بیر ایستک و آرزو اولمایان دییل. بیر آرزو انسانین ذهنینده یاراناندا اونا چاتماق امکان¬لاری دا یارانیر. بیر مقدار دؤزوم¬لو اولون، چالیشمالاریزی چوخالدین و بئله¬لیک¬له ایستک-لریزه چاتین.

🔸دوندوران آی (قووا، بهمن): بو هفته معامله¬لر سیزین نفعیزه اولاجاق بو اوزدن آل- وئر اوچون تله¬سین. اوره¬ییزین پاسین آریدین و انتقام فکرینی باشیزدان آتین. کؤنلوزو کدرلندیرمه¬یین آدام بیر گون یوخاری¬دا اولار، بیر گون آشاغی¬دا. بو اصلا اؤنملی دییل، اؤنملی بو دوروم¬لاردا نئجه داورانماغیزدیر! بو هفته بیر نفردن آیریلماق زوروندا قالاجاق¬سیز، اوزولمه¬یین گله¬جکده بو آیرلماغین نه قدر نفعیزه اولدوغونو بیله¬جکسیز و بوگون توتدوغوز تصمیم¬دن سئوینیب، ممنون اولاجاقسیز.

🔸بایرام (بالیقلار، اسفند): بو هفته ایش¬لریزده چوخ دقت¬لی اولون، بیر نفر امکداش آدی ایله سیزه یاخین¬لاشیر و باشاردیغی قدر سیزه ضربه وورماق ایسته‌ییر! باشیزدا چوخ بؤیوک دوشونجه¬لریز وار، نه قدر باشقالارینا مئیدان وئرسز و اونلاری ایش¬لریزین باشینا کئچیرتسز، آش همان آش دیر، کاسا همان کاسا! و باشیزدا اولان دوشونجه¬لره چاتماق بیر او قدر اوزاق اولاجاق. بیر دفعه اولارا «یوخ، من اؤزوم هامیدان یاخجی نه ایش گؤره¬جاغیمی بیلیرم» دئیه بیلسز، ایشیزین اوجونو الیزه آلا بیلرسیز.