image_printپرینت خبر

بیر آن دوروخدوم، اینسانین روحو نه قدر عظمت¬لی اولا بیلرمیش، هارا فیکیرلشه‌ بیلرمیش! دوغروسو داها بیر سؤز تاپیب دئیه‌ بیلمه‌دیم، ایسته‌دیم دوروب گلم قولوم¬دان یاپیشیب دئدی:
– هله اوتور منیم¬له بیر ناهار یئ.
کوسموش بیر آدام کیمی سسیمی بوغازیمین دیبینه سالیب غوررا- غوررونان دئدیم:
– ماه‌آبا گلمیشدیم سنی قوناق آپارام، دای سن گلمیرن ندن قالیم؟
دؤنوب دئدی:
– ایسته‌ییرم بیر تؤره‌نیمی دویونجا گؤرم، بلکه دای گؤره بیلمه‌دیم.
بؤیوک باخیشی‌یلا منه باخیب، یئره اوتورماغا چاغیردی. سؤزوندن چیخماق اولمازدی، ائله¬جه¬‌ده اونون گؤروشوب، دانیشماغیندان دویماق اولمازدی. اختیارسیز یئره اوتوردوم، اونلارلا گؤروشوب، ائله‌جه¬ده خوش- بئشه قال‌لاندیم.
کیچیک تلویزیون اؤز- اؤزونه دانیشیب، برنامه یاییردی. ایسته‌دیم دوروب کانال¬لاری دییشیم؛ بیردن زنگانین کانالینا گیردی ایسته‌دیم اونو دا آریتلاییب واز گئچم، بؤیوک آنام بیردن دئدی:
– آی بالام قوی قالسین
بیر نئچه نفر اوخویوردولار: چؤمچه خاتین نه ایستر؟ الله‌دان یاغیش ایستر …
ائله¬بیل ماه‌آبانین اوشاق‌لیق گون¬لری و گئچمیش¬ده اولان خاطیره‌لری اویانمیشدی، گؤزلری دولدو، سسی تیترییه- تیترییه دئدی:
– دوز دئییب¬لر گئچن گون¬لره گون چاتماز …
حس ائتدیم اوره¬یینده چوخ سؤزلر واردی. بونو گؤزلرینده اولان غم¬لی، عرفان¬لا دولو برقیندن دوشونمک اولوردو.
من ده بو گئچمیش¬ده اولان عنعنه‌لریمیزی سئودیییم ایچین، سس‌سیز دانیشمادیم، یاواشجا گلیب اوتوردوم اونون یانیندا. ماه آبا و داییم¬گیل‌ ایله تلویزیونا باخیب، اونو ایزله‌مه¬یه باشلادیم. قورتارانا ماجال ماه‌آبایا ساری دؤنوب دئدیم:
– ماه‌آبا؟!، ائله¬بیل سنین بو رسم‌دن ائشیتمه‌لی بیر خاطیره واریندی…
دئیه‌سن چوخ¬دان بیر نفرله دردلشمه‌میشدی، بیر سیرداش گزیردی اونونلا دانیشسین. سسی تیتره‌یه- تیتره‌یه سؤزه باشلادی:
– یادی خئیر اولسون، من دلی¬قانلی تازا بوی چکمیش بیر قیز ایدیم. او زامان¬لار کندیمیزده بیر یئتیم سیّد قیزی وارایدی، کیمسه‌سیز ایدی، یالقیزجا یاشایاردی. اونون بیر چؤمچه گلینی وار ایدی. هر زامان یاغیش یاغمازدی، چؤمچه گلین‌نین گؤتوروب اویناداردی…

#داوامی_وار…