image_printپرینت خبر

 

غؤنچـه آچار آغاج‌لار،
آغ‌آپپـاق اولار باغ‌لار،
چیچک آچار گـول، چــمن،
هانسیندان دانیشیم من؟

قیپ‌قیرمیزی لاله‌لر،
یاماجا دوزولرلر‌،
ائـله بیل دوزه گول‌لو،
الـوان خالـی سَررلر.

گول- چیچه‌یی چاغیرار،
هاوا یاز عـطری قوخار،
باهار لَـچک‌لریندن،
دوزه چَلنگ توخویار.

حتتا تیکان‌لی کول‌لار،
دالایان گیجیتکان‌لار،
قاراغات‌لار، موروق‌لار،
یازدا گؤزلدی اونلار!

طبیعت بئله واخت‌لار،
آدامی حئیران قویار!
چوخ گومان اوچار بو آن،
قانادی اولسا اینسان!

باشی قارلی زیروه‌لر،
مؤحتشم منظره‌لر،
هر شئی گؤز اؤنونده‌دیر،
منیم وطنیمدیر!

بو یئرده من اورک‌دن،
مؤحکم سس‌له دئییرم:
“چیچک‌لی یازین‌لا سن،
وطن، نئجه گؤزلسن!”

چَـلنگ: تاج گل
موروق‌: تَـمشک
قاراغات: مویز آغاجی