image_printپرینت خبر

ژاپون اولوسلار آراسی ایش‌بیرلییی آژانسی‌نین(JICA) اورمیه گؤلونو جانلاندیرماق اوچون ایران اسلام جمهوریتی حکومتی ایله ایش‌بیرلییی آپاردیغینی خاطیرلادان کازوتوشی دئدی: اورمیه گؤلونو جانلاندیرماق اوجون یاخشی چابالار صرف ائدیلدی و گؤلون جانلاندیغینی گؤرمکدن چوخ موتلویام. اداره ائدیجی طرفداش‌لارین یاردیمی و ایش‌بیرلییی ایله بو یؤنده داها چخ آددیم آتماغی اومید ائدیریک.
اورمیه گؤلونون بؤلگه‌ده یاشایان انسان‌لار اوچون بیر چوخ فرصت و قایناق یاراتدیغی‌نی دیله گتیرن کازوتوشی آرتیردی، دوغو آذربایجان اوستاندارلیغی‌نین اورمیه گؤلونون جانلاندیریلماسیندا JICA آپاردیغی ایش‌بیرلییی‌نی آلقیش‌لا قارشیلایاراق، ژاپون-ون دوغو آذربایجان‌دا کونسول‌لوغو یوخ‌دور آنجاق اوستان‌ین اوست یؤنَتیمی سون ایل‌لرده ژاپون‌لارین پروگرام‌لارینی دستک‌لَمیشدیر.
کازوتوشی دئدی، کورونا ویروس‌ون یاییلماسی ایله بیر چوخ محدودیت‌لر، تحمیل‌لر و گزی‌لر سینیرلانماسی یاراندی و ایران خاریجی ایش‌لر باخان‌لیغی، اورمیه گؤلونون جانلاندیرما پروژه‌لرینی یاخین‌دان ایزلمک اوچون دوغو آذربایجان اوستانینا سفر ائتمک اوچون اؤزل بیر اذن وئردی. گؤلون جانلاندیریلماسی حکومت اوچون اولوسال سویه‌ده اؤنملی‌دیر.