ائولره قاپاناندا من و داداشیم نه قورخموشدوق، نه اوزولموشدوک! فقط دعا ائلییردیک قار یاغسین و بوتونلوک¬له مدرسه¬یه گئتمییب، سرویس¬لر و او بیری ماشین¬لار قارلاری اریتمه¬سین و دییردیک: اوندا هئچ کس ائودن ائشییه چیخا بیلمز و ناخوشلوغو بیر- بیرینه وئرمز. اوندا هم بو ناخوشلوق قورتاراردی، هم ده بیز بوتون گونو قارلا اویناردیق.
بیزیم دوعامیزین بیر قسمتی اولدو و بیر قسمتی اولمادی. اولان قسمتی ائولرده قالماق و مدرسه¬لرین تعطیل اولماسی ایدی. اما اولمایان قسمت نه قار یاغدی، نه جماعت رعایت ائله¬دی، نه ناخوشلوق قورتاردی و نه بیز ائوده قالماقدان لذت آپارا بیلدیک.
او واقعه¬لردن ۱۰- ۹ آی کئچیب و منیم ایسته¬ییم گینه صبح ساعات ۷ -ده یوخودان دورماق، یوخولو- یوخولو ال- اوزومو یوماق، بخاری دیبینده قیزیشیب، صبحانه¬یه پنیر- چؤرک، گیرده‌کان- خورما یئییب، چای ایچیب، مدرسه¬یه گئتمک‌دیر.
ایندی بو مجازی درس¬لرده چوخ چتین¬لیک چکیریک. بیر اشکالیمیز اولاندا گروهدا یازیریق. اما خانم معلم اشکالیمیزی گؤرمور. او پیام اوشاق¬لارین او بیری پیام¬لاری ایچینده ایتیر- باتیر. معلیمین پی¬وی¬سینه ده یازا بیلمیرم. اونا دا آنام اجازه وئرمیر، دییر: «هره معلیمین پی¬وی¬سینه بیر سؤال یازسا، اولار ۴۰ سؤال! به او معلم یازیق دییل؟ اونون ائوی، اوشاغی، ایشی یوخدور؟» آنام دا حقلی‌دیر.
من مدرسه شورالارینا سئچیلدیغیما گؤره چوخ وقت¬لر اوشاق¬لاردان بیر عکس ایسته¬مک زوروندا اولورام. بو عکس¬لری موضوع و مناسیبتینه اویغون ماهنی و سیرالاما ایله دوزنلییب و کلیپ دوزلدیرم. اما گل بیر یول او وقته کی، اوشاق¬لاردان نئچه نفر منیم نه ایسته¬دییمی باشا دوشمه¬سین. اوندا هره¬یه بیر توضیح وئرمک آدامی چوخ یورور. فرهنگی ایش¬لرده نئچه اوشاق شیرکت ائله¬مک ایسته¬میر و من ۱۵- ۱۰ نفرین عکسینی ایسته¬مکدن راحات اولورام، آنجاق کلیپی گؤرندن سونرا ماراق¬لانیب، منه عکس گؤندریرلر. اما داها وقتی کئچیب¬دیر.
درس¬لرین بیری ده ورزش‌دیر. بیز بو گونه کیمی، ورزیشه سؤال اوخومازدیق. ورزش زنگ¬لری یولداش¬لاریمیزلا حیط ده قاچیب- اویناردیق. اما ایندی ورزش زنگ¬لری گرک چوخلو سؤال حفظ ائله‌یک. البته عملی ایش¬لریمیز ده اولور. مثلاً گرک طناب¬زنی، دراز- نشست، انعطاف و … ائوده انجام وئریب، عکس و فیلم ییغیب، گروها گؤندرک. بو فیلم و عکس¬لرده ورزش‌دن چوخ آیری شئی¬لره اؤنم وئریرلر. مثلاً ائوین هاراسی¬نین دکورو داها گؤزل‌دیر اوردا فیلم و عکس ییغیرلار!
گئچن ایل¬لر هاوا آلوده اولاندا یا قار یاغاندا گئجه یاتا بیلمزدیک و خبری گؤزلردیک و «به علت آلودگی هوا، یا به علت ریزش برف و برودت هوا، مدارس شهر تبریز تعطیل اعلام شد» خبرینی ائشیدنده، چوخ سئوینردیک.
دوزون ایسته¬سز ایندی بو تعطیل گون¬لردن چوخ داریخمیشام. چوخ یورولموشام، گؤیلوم ایستییر بیر گون صبح گوشی¬نی الیمه آلاندا آموزش و پرورش-ین بو پیامینی گؤرم:
به دلیل خستگی دانش¬آموزان از فضای مجازی، امروز مدارس تعطیل اعلام می¬شود!