image_printپرینت خبر

 

ان یاخشی یؤنتمن اؤدولونو دا “نومادلند” فیلمی‌نین یؤنتمی، کلوئی ژائو آلدی.

کلوئی، ۹۳ ایل‌لیک اوسکار اؤدول‌لری عنعنه‌سین‌ده ان یاخشی یؤنتمن اؤدولونو آلان ایکینجی قادین اولدو.

کلئوی، اؤدولونو آلارکن دانیشماسیندا دئدی، “بو اؤدولو، نه قدر چتین اولورسا اولسون ایچلرین‌ده‌کی یاخشیلیغا و بیر- بیرلری‌نین ایچین‌ده‌کی یاخشیلیغا دایانماق اوچون جسارت و اینانجا صاحب اولانلار اوچون آلیرام” .

“نومادلند” فیلمی ایله “ان یاخشی قادین اویونچو” اؤدولونو فرانسیس مک دورمند قازانارکن، “فادیر/آتا” فیلمی‌نین باش رول اویونچوسو آنتونی هاپکینز ایسه “ان یاخشی کیشی اویونچو” اؤدولونون صاحبی اولدو.
“ان یاخشی کؤمک‌چی قادین اویون‌چو” اؤدولونو “میناری” فیلمین‌ده‌کی رولویلا یو جانگ یان قازانارکن، “ان یاخشی کؤمک‌چی کیشی اویون‌چو” اؤدولونو “یهودا ایله قارا مسیح” فیلمین‌ده‌کی رولویلا دنیئل کالویا الده ائتدی.