image_printپرینت خبر

 

آوروپا بیرلییی یئنی نوع کوروناویروس (کووید-۱۹) ائپیدمی‌سینده یولوخما حال‌لاریندا جیددی آرتیم اولان هیندوستان‌ین طلبی ایله بو اؤلکه‌یه یاردیم گؤندرمه‌یه حاضیرلاشیر.

آوروپا کمیسیونونون صدری اورزولا فن درلاین سوسیال شبکه‌ده‌کی پایلاشیمیندا هیندوستان‌داکی وضعیت‌دن ناراحات اولدوق‌لارینی ایفاده ائده‌رک “دستک اوچون حاضیریق” مئساژینی وئریب.

فن درلاین هیندوستان‌ین یاردیم طلبی قارشی‌سیندا آوروپا بیرلییی سیویل قوروما مکانیزمی چرچیوه‌سینده آوروپا-نین قایناق‌لارینی سفربر ائتمک اوچون حاضیرلاشدیغینی قئید ائده‌رک، “هیندوستان خالقی ایله تام دایانیشما ایچری‌سینده‌ییک” دئییب.

آوروپا کمیسیونونون بحرانین ایداره ائدیلمه‌سیندن مسئول عضو، بیرلییین هیندوستانا اوکسیژن و داوا گؤندرمه‌یه حاضیرلاشدیغینی آچیقلاییب.

ائپیدمی‌دن ان چوخ تأثیرلنن اؤلکه‌لردن اولان هیندوستان-دا گونده‌لیک خسته‌لرین سایی آرتماقدا داوام ائدیر.