image_printپرینت خبر

اؤزل ایلیشگی¬لریز دوزن¬لی، اویوم¬لو و سئوگی ایله دولو اولاجاق. اولدوز¬لاریز چوخ آیدین و خوش یئرده گؤرونورلر. ایلین باشلانقیجیندا چالیشقان¬لیق و صداقتیزدن آسیلی اولاراق، ایش¬لریز چوخ یاخجی قاباغا گئده¬جک. رئیسیزین آلقییش¬لاری سیزی مغرورلاشدیرماسین و اؤزوزو هامی¬دان اوستون سانمایین. بیر تیمین اویه¬سی اولاراق، توپلو تصمیم¬لره سایقیلی اولوب، ضعیف¬لره یاردیم ائتمه¬لی¬سیز. سیزین بو مهربان-لیغیز جواب¬سیز قالمایاجاق.
یاز فصلی¬نین سونونا دوغرو بیر مقدار دوروموز قات- قاریشیق اولاجاق. ایشیز ایله چوخ اوغراشاجاقسیز. بو دوروم اؤتری‌دیر و نهایت‌ده چوخ سیزین گوج¬لنمه¬ییزه سبب اولاجاق. حیات¬یولداشیز سیزین دوروموزدان نگران اولا بیلر، بو اوزدن ایش یئری¬نین استرسینی ائوه داشیمایین. آرامش تاپماغیزا بیر یول تاپین و بیرلیکده اولماغیزین قدرینی بیلین. سوبای قوچ¬لار بو ایل اؤز یاشام اورتاق¬لارینی تاپا بیلرلر. بعضی بالاجا سورون¬لار دا، یاواش- یاواش آرادان گئده¬جک و هرزاد سهمانا دوشه¬جک.
بو ایل یای فصلینده داها چوخ اؤز اؤزل یاشامیزی نظرده توتاجاق¬سیز و اونو داها یاخجی قاباغا آپارماق اوچون الیزدن گله¬نی ائلییه¬جک¬سیز.
گوز فصلی بیر داها شانس سیزه اوز گتیره¬جک. بیر خوشاگلیم ایش پیشنهادی اولاجاق. البته سیز بو ایشی قبول ائتمک اوچون بیر مقدار اؤزوزدن گئچمه¬لی سیز، آنجاق هرزادی تک¬باشینا گؤرمک¬دن ساخینین، تجربه¬لی و بیلگین بیر آدامدان یاردیم و یول گؤسترمک ایسته¬یین. کسین¬لیک¬له ایش¬بیرلیک ایله ان دوزگون سونوج¬لارا چاتا بیلرسیز. قیش فصلینه یاخین¬لاشینجا ساغلام¬لیغیزی اؤنمسه¬یین و یئرسیز اولاراق، ساغلام-لیغیزی تهلوکه¬یه سالمایین. ایلین سون¬لاریندا یئنی انرژی¬لریز اولاجاق. عائله ایله اولماقدان لذت آپارین. بو ایلین اولای¬لاری سیزی اولدوقجا بیر- بیریزه یاخین¬لادیب و داها چوخ بیر- بیریزین قدریزی بیلیرسیز.
بو ایل آزاد زمانیز چوخ اولاجاق. بیر ایدمانا اوز گتیرین و اؤزوز اوچون بیر اؤدول نظرده توتون. بو ایل اؤزگوونجیز آلقیشلامالی اولاجاق، ایلیشگی¬لری هم یاخجی باشلایاجاق¬سیز و هم گؤزل اداره ائده¬جک¬سیز. بو ایل سیزین اوچون خوش تجربه¬لر قازانماق و قالارقی قورقولار قورماق ایلی دیر. یئنی ایلیز قوتلو اولسون.

#داوامی_وار…

@SancaqDergisi

⭕️۱۴۰۰-نجو ایل‌ده اؤزل فالینیز

✍حاضیرلایان: #اولجای_مرآتی

🔸گولن‌آی (بوغا، اردیبهشت):

اجازه وئرین هر سؤزدن اؤنجه بو ایلین بیرینجی توصیه¬سینی ائلییم: بو ایل چوخ ایش مسائلینه نگران اولمایین! سیزین ایش قونوسوندا قازانجیز یای فصلیندن باشلایاجاق. بوغالار چوخ سوروملولوق بیلن و گوونیلن انسان¬لاردیرلار. بو سیزین یاشامیزدا اولان ان بؤیوک سرمایه¬لردن ساییلا بیلر. بو ایل اولدوزلارین دورومو سیزه چوخ قازانج¬لی بیر یاشام دوزلده بیلر.
ایلی باشلامامیش بعضی بالاجا چتین¬لیک¬لرین یارانماسی سیزی سیخینتی¬دا قویاجاق. ایشیزین راکد اولماسی سیزی چوخ دوشوندوره¬جک. «گؤره¬سن بیر ایش گؤروم یا گؤرمویوم؟» دورومو بو قدر سالیب- چیخماغیز سیزی چوخ قاش- قاباقلی گؤرسده بیلر. عزیزلریزی اؤزوزدن اوزاق¬لاشدیرمایین! داورانیش-لاریزا اوداقلانین و ایش قونوسوندا بیر مدت قیراغا چکیلین و دورومون سهمان¬لاشماسینی گؤزله¬یین. بو مدت ده بعضی شیّاد و پیس¬طینت آدام¬لاردان دا اوزاق اولون، اونلار سیزدن سوءاستفاده ائتمک فکرینده-دیلر. بو قدر ایش یئرینده اوغراشماغیز سیزدن او قدر انرژی آلیر کی، اگر عائله ایچینده بعضی بالاجا سورون¬لار یارانسا، اونلاری چؤزمک اوچون گوج و انرژیز قالمیر، بو اوزدن بیر مقدار اؤزوزو راحاتلادین و ریلکس اولون. یاشامی هر نه قدر چتین توتساز بیر او قدر چتین¬لشر. ایش ایله بو قدر اوغراشماغیز عائله عضولرینی سیزدن اینجیک سالیر. یاخجی دیر اولارلا صادقانه دانیشیب، چتین¬لیک-لریزی اونلارا آنلاداسیز.
بئله¬لیک¬له یاز و یای فصلینی گؤز قیپریمیندا گئچیردیب، ایلین ایکینجی یاریسی¬نا چاتاجاق¬سیز. آرتیق یوکسلمک زمانی دیر. ایش- گوج یئرینه یئتیشیب، عائله ایله سورون¬لار بیتیب و یاشامین خوش اوزو سیزه باخیر. دویغوسال ایلیشگی¬لر ثابت¬لشیب و سوبای¬لارا وجود¬لاری¬نین ایتمیش یاریسینی تاپماق امکانی یاراناجاق. ساغلام¬لیغیز یئرینده، پولوز جیبیزده و عائله آرخازدا دورماق¬لا داها هئچ نه¬یین فکرینی ائله¬مه-یین. قیش فصلینه یاخین¬لاشدیقجا ایش¬لرینده داها چوخ چالیشان¬لار، داها چوخ قازاناجاق¬لار و امکداش¬لاری ایله اوسته¬لیک بیر یولداش¬لیق ایلتیشیمی ده، قورا بیله¬جک¬لر.
ایلین سونونو بیر مقدار دینجه¬لین و الدن وئردییز انرژی¬نی بیر یئره توپلایین. یاشام سیزین کیمی یورولمایان انسان¬لاری هر زمان حمایت ائدیب و اونلار حاق¬لارینی هر کسدن آلا بیلرلر.

🔸قیزاران آی (ائکیزلر، خرداد):

اولدوزلارین گؤرستدییی اساس‌دا ائکیزلر یاز فصلیندن سونرا داها اولوم¬لو دوروم¬دا اولاجاق¬لار. ائکیزلر چوخ عاغیل¬لی و دویغوسال انسان¬لار اولدوق¬لاری اوچون، ایلیشگی¬لرینی سئوگی، دویغو و منطق اساسیندا مدیریت ائدیرلر.
یای فصلینه یاخین¬لاشینجا ایش دوروموز یاخجی¬لاشاجاق و البته منفی تجربه¬لر ده گلیشمک اوچون لازم دیر. بو تجربه¬لر سیزی گوج¬لندیریر و ایچ دونیازی آرام¬لاشدیرماغا سیزه یاردیمجی اولور. هر نه قدر چالیشیرسیز، چالیشین آنجاق اگر یانلیش یول گئتمک و یا سوءاستفاده ائتمک فکرینده اولساز، اولمایاجاق!
ایسته¬مه‌دن بیر آنلاشمازلیغین ایچینه گیرسز تارتیشمادان ساخینین و هر ایشی قانونی یولدان و صلح و باریش ایله حل ائدین. بئله زمان¬لار آدامین آغزیندان ائله بیر سؤز چیخار کی، داها سونرا پئشمان اولماغین بیر فایداسی اولماز.
ائکیزلر گوز فصلیندن اعتباراً خوش بیر دؤوره¬یه گئچه¬جک¬لر. اونلار ایش¬لرینی سهمانلاماق و گلیرلرینی آرتیرماق یولونو تاپاجاق¬لار. بو اولوم¬لو احوال- روحیه، ایلیشگی¬لریزی ده ائتگی¬لندیریب ایلتیشیم¬لریزی گوج¬لندیره¬جک. بئله¬لیک¬له سیز تانیمادیغیز آدام¬لارلا بیله خوش ایلیشگی قورا بیله¬جک¬سیز. اولدوز¬لار یای فصلینده سئوگی قونوسوندا سیزی حمایت ائده¬جک.
گوز فصلینده گؤزلنیلمز حالدا شانس سیزه اوز گتیره¬جک و باشلادیغیز هر ایشی قازانج و اوغور ایله سونا چاتدیرا بیله¬جک¬سیز. آنجاق بیر ایشی باشلامامیش دوزگون داشینیب، دوشونون و ریسک ائتمه¬دن اؤنجه، یاخین بیر یولداش ایله مصلحت¬لشین. او سیزه یاردیم ائتمکدن چوخ سئوینه¬جک. ایشیزده گؤزله¬دییز اوغور و قارانجا قیش فصلی یئتیشمه¬میش یئتیشه¬جک¬سیز و دئمک اولار ایشیزین ثباتا چاتماغی حتمی دیر. آنجاق بیر سؤزومو اونودمایین! ایش- گوجه فکر وئرمک سیزی حیات¬یولداشیز و یا سئوگیلیزدن اوزاق-لاشدیرماسین. آزاد وقت¬لریزی داها چوخ عائله ایله اولماغا تنظیم ائله¬یین. بیر کلمه دئسم بو ایل سیزه یاخجی ایل اولاجاق.

#داوامی_وار…

@SancaqDergisi

⭕️۱۴۰۰-نجو ایل‌ده اؤزل فالینیز

✍حاضیرلایان: #اولجای_مرآتی

🔸قورا پیشیرن (یئنگج، تیر):

یئنگج¬لر چوخ دویغوسال انسان¬لار اولدوق¬لاری اوچون، یئنی ایلی قارما- قاریشیق دویغولارلا باشلایاجاق¬لار. ایلیشگی¬لریز چوخ اولوم¬لو انرژی¬لرله بیرلشه¬جک اما ایش موردینده بیر مقدار دورقون¬لوق-لا ایله اوز به اوز اولاجاق¬سیز. آنجاق ایشین اوزونو تاپماغیز چوخ چکمییه¬جک. گنل اولاراق بو ایل هامی بیر تورلو گلیشمه و یوکسه¬لیش حالدا دیر. بو یوکسه¬لیش و گلیشمه سیزین ده طالعیزده گؤرسه¬نیر.
ایلین ایلک آی¬لاری ایش یئرینده چوخ چالیشدیغیزا رغماً، امکداش¬لاریزدان کیمسه سیزه یاردیم ائتمییه¬جک. ذاتاً سیزین ده بیری¬نین یاردیمینا احتیاجیز یوخ‌دور. بئله دوام ائتسه‌نیز، چالیشمالاریزین اؤدولونو آلاجاق-سیز. ایشیزی ابدا ائوه آپارمایین و آزاد وقت¬لریزی عائله و عزیزلریزله گئچیردین. ایش یئرینده یئترینجه اؤزوزو یورورسوز، بو اوزدن دینجلمه¬یه اولان احتیاجیزی سهل سانمایین.
یاز فصلینده چوخ اولوم¬لو انرژی¬لر توپلاییب شاد و محبت¬لی آدام¬لاری چئورزه توپلایا بیلرسیز. آما یاشامین گئرچک اوزونو اونودمایین و گؤز¬لریزی آچین. سوبای¬لار یای فصلی چاتمامیش بیر سئوگی ماجراسی باشلایا بیلرلر. بلکه بو دفعه ایسته¬دییز سئوگینی تاپا بیلدیز.
یئنگج¬لر یای فصلینی خوش و اولوم¬لو باشلایاجاق¬لار. تعطیلات، مسافرت و استراحت ایله الدن وئردییز انرژینی بیرداها اله گتیره بیلرسیز. یای فصلی¬نین سونونا دوغرو ایشیز حاقدا دوشونون، و لازم اولسا ایشیزی دییشدیرمک اوچون جدّی تصمیم¬لر توتون. طالعیزدن آسیلی اولاراق یای فصلی¬نین سونو سیزین اوچون ریسک ائتمک فصلی اولاجاق.
گوز فصلینده ایش یئرینده بعضی آنلاشمازلیق¬لار اورتایا چیخا بیلر. کیمسه¬نین یاردیمی اوسته حساب گئتمه-یین و ایش¬لریزی تک¬باشینا سهمانا سالماغا اینانین. بو تجربه سیزی چوخ اوزوب راحات¬سیز ائلییه بیلر، اما اله گتیردیییز تجربه¬لر بونا دَیَر. بیر گون سیز بو دورومدان خوشلوق¬لا یاد ائده¬جک¬سیز. سیزده اولان سارسیلمازلیق هر زمان قازانماغیزا سبب اولاجاق. سیز ان یاخجی اؤدول¬لره لایق¬سیز و اونو دا اله گتیره-جک¬سیز.

🔸قویروق دوغان (آسلان، مرداد):

بو ایل طالعیز هر زاددان چوخ ایلیشگی¬لره اوداق¬لانیب. البته ایش دوروموزون دا دوزلمه¬سینی گؤزلویه بیلرسیز. سیز هر نه قدر گونشدن ائتگی¬لنسز ده، یئنه بعضی چتین¬لیک¬لریز اولا بیلر و سیزین کیمی گوجلو بیریسی ده، آنلاشمازلیق و چتین¬لیک¬لره اوغرایا بیلر. بو ایل اله گتیردییز تجربه¬لر سیزه بیر سرمایه کیمی فایدالی اولاجاق. شخصیتیز گوج¬لنه¬جک و ایچدن آرامشه چاتاجاق¬سیز.
ایلین ایلک گون¬لری آماج¬لاریز چوخ اوزاق گؤرونه¬جک. بونلارا باخمایاراق، واقع¬بین اولون و عقله سیغمایان آرزولاردان واز گئچین. اوزگون و اومودسوز اولماق سیزه یاراشماز، اؤزل و توپلومسال یاشامیزی سهمانا سالماق اوچون بوتون فرصت¬لری دیرلندیرین و گره¬ییز اولمایان ایلیشگی¬لره سون قویون! بئله¬لیک¬له اؤز یاشام ائشیزی تاپیب دویغوسال بیر ایلتیشیمه گیره بیلرسیز. هرزاد نقشه¬لریز کیمی قاباغا گئدر و آرامش و ثباتا چاتماغیز کسین¬لشر. بو آرادا تفریح و استراحتیزه ده زمان آییرین و اؤزوزو چوخ یورمایین.
یای فصلینده یاشامیزدا یارانمیش یئنی ایلیشگی¬لر سیزی اؤنملی قونولاردان اوزاق¬لاشدیرماسین. فکریزی بیر یئره ییغماساز، اؤنملی بیر ایش موقعیتینی الدن وئره بیلرسیز. بو فرصت بیر داها اله دوشمز. زوراکیلیق¬لا هرزادی کنترل ائده بیلمزسیز. بونو قبول ائدین و یئرسیز اضطراب، استرس و چالیشماق¬دان ال چکین. ساغلام¬لیغیزی اؤنمسه¬یین و ساده بیر سویوق¬دیمه¬نی ده جدّی توتون.
گوز فصلی یئتیشدیکجه سیزین ده ایش¬لریز چوخالیر و اولویت¬لریزی دییشدیرمک مجبوریتینده اولاجاقسیز. بیر مقدار ال دبرتمه¬سز ایش¬لر بیر- بیری¬نین اوستونه قالاناجاق و سیزده اولان رقابت حسی آرتیق چالیشماغیز و هر ایشی جدّی توتماغیزا باعث اولاجاق.
قیش فصلینده یورولمادان، اوسانمادان ایرلی گئدین و اوغور قازانماغیزی حتمی بیلین. سیز بو زمان اله گتیردیییز مقاما، لایق بیر انسان¬سیز و نهایت¬ده چالیشمالاریزین اؤدولونو آلیب¬سیز. بو دوروم گئج ده اولسا گلیب، یئتیشه¬جک و سیز ایله سئودیک¬لریزی سئویندیره¬جک. سئوگیلیز و یا حیات¬یولداشیز بو بیر ایل مدتینده یاشامیزین هر آجی و شیرین گونو سیزین¬له اورتاق اولوب و بیرآن بیله سیزی یالنیز قویماییب، سیزده بونون قدرینی بیلدییزی اثبات ائدین و اونو سئویندیرین.

#داوامی_وار…

@SancaqDergisi

⭕️۱۴۰۰-نجو ایل‌ده اؤزل فالینیز

✍حاضیرلایان: #اولجای_مرآتی

🔸زومار (باشاق، شهریور):

سیز چوخ ذکی و چالیشقان بیر آدام¬سیز. بو اوزدن طالعیز ده چوخ اولوم¬لو گؤرونور. ایلین ایلک یاریسی چوخ قرارسیز داوراناجاق¬سیز بو ایلیشگی¬لریزی ده ائتگی¬لندیره¬جک. آما مانع¬لری بیر به بیر آرخادا قویونجا، داها چوخ دوشونمک و ثباتا چاتماغا فرصتیز اولاجاق. باشاق¬لار یئنی ایلی ایش¬لرینده اولان سورون¬لارلا باشلایاجاق¬لار، بلکه ایش یئرلرینی و یا بوتون¬لوکده ایش¬لرینی دییشدیرسین¬لر. مالی باخیمدان دا بیر مقدار چتین¬لیکده اولا بیلرلر. بو دورومو آتلاتماق اوچون داها چوخ چالیشماغا احتیاجیز اولاجاق و بو سیزین بوتون بوش وقتیزی آلا بیلر. بو قدر ایش ایله اوغراشماق، حیات¬یولداشیز و یا سئوگیلیزین ناراضی¬لییینه سبب اولا بیلر، بو اوزدن بوش وقت¬لریزی اونون اوچون آییرین و البته بو ایشه بوش وقت آییرماق یادیزدان چیخماسین. چکدیییز استرس¬لرین بیر چوخو یئرسیز اولسا دا، یئنه بو دوروما بیر چاره قیلین. عائله سیزین آرخازدا دوراجاق و سیز بو دورومدان قورتولاجاق¬سیز.
یای فصلی¬نین سون¬لاری، پاییزا یاخین¬لاشدیقجا استراحت و آرامشه وقت تاپاجاق¬سیز. اولدوز¬لارین دورومو، سیزه بیر لذت وئریجی یای فصلی¬نین موشتولوغونو گتیره¬جک. بوش وقت¬لریزی عزیزلریزله بیرلیکده، طبیعتین گؤزل یئرلرینده گئچیردین. بو زمان قدیمی یولداش¬لاریزین بیری ایله گؤروشمک یاشامیزی یئنی بیر مسیره هدایت ائلییه بیلر. هر بیر اولای، باشقا یئنی اولای¬لارین باشلانقیجی اولاجاق¬دیر.
گوز فصلیندن اعتباراً گئری قالماق و شکست زمانی قورتولاجاق، سوبای¬لارا ائولنمک فرصتی یاراناجاق، ائولی¬لر گؤزل و رمانتیک لحظه¬لرین دادینی چیخارداجاق¬لار و عائله¬وی یاشام اولدوقجا دوزن¬لی و گؤزل ایرلی گئده¬جک.
قیش فصلینده ایشیزده اولاغان اوستو بیر دییشیم اولاجاق و سیز اوزون مدت اونا برنامه تؤکدویوز ایشی باشلایا بیله¬جک¬سیز. گینه ده احتیاطی الدن وئرمه¬یین، یوز دفعه اؤلچون بیر دفعه بیچین و بوتون بو مدتده ساغلام¬لیق و جسمی دوروموزدان دا غافل اولمایین.

🔸خزل (ترازی، مهر):

بو ایل طالعیزدن آسیلی اولاراق، سیزین باشیز چوخ قاریشیق اولاجاق؛ آنجاق نگران اولمایین، سیز بوتون ایش¬لرین عهده¬سیندن گلیب، گونو- گوندن گوج¬لنه¬جک¬سیز. یئنی ایش¬لر باشلاماغا یئترینجه انعطاف¬لی¬سیز و یارادیجیلیغیزا گؤره ایشیزده چوخ قازانج¬لاریز اولاجاق. اولدوزلارین دورومو اؤزل یاشامیزی اولوم¬لو اولاراق یؤنلده¬جک. ایلی بیر مقدار هؤیوشنه¬لی باشلاماغیز سیزی قورخوتماسین، سیز اؤز ایشیزده اولون، اگر بیر ایلیشگی¬نین ایچینده¬سیز اونون قدرینی بیلین و دادینی چیخاردین و اگر ده هله اؤز ایسته¬دییز شخصی تاپماییب¬سیز، بو ایل اونو تاپماغا اومودوز اولسون. بو ایل یاشامیزی سهمانا سالماق، بؤیوک دییشیک¬لیک¬لر یاراتماق و یئنی بیر یاشام طرزی باشلاماق ایلی دیر. توپلوم ایچینده باش چیخارتماق و خوشبخت¬لییه ساری گئتمکدن قورخمایین. هامی سیزده پارلایان اولوم¬لو انرژی¬نی آلیب، اونو اؤزوزه قایتاراجاق. چوخ ایشه باشیزی قاتمایین و ایشی چوخ چتین توتمایین، بو یالنیز دورومو چتین¬لشدیرر. بیر مقدار اؤزوزو راحات¬لادین و ایش¬لری زمانین آخینینا تاپشیرین. یاز فصلی هله قورتارمامیش رئیس و ایش باشیندا اولان¬لار سیزین چالیشمالاریزی آنلاییب، ایشیزین قدرینی بیله¬جک¬لر. بو اوزدن آماج¬لاریزا چاتماق راحات¬لاشاجاق، آرامشه یئتیشه¬جک¬سیز و عائله¬وی یاشامیز داها دوزن¬لی اولاراق، ایرلی گئده¬جک.
یای فصلینده بیر مقدار چتین¬لیک¬لر چوخالیب، سیز بوتون چتین¬لیک¬لری بیر یئرده آرادان آپارماق ایستییرسیز، آنجاق بو ایش دوز دییل. ایش¬لری اولویت¬له گؤرون و ساغلام¬لیغیزی چوخ جد،ی توتون. ایش¬لریزین چوخلوغو اساسدا گوز فصلی ده استراحت اوچون وقتیز اولمویاجاق و آیری بیر سورون¬لار باشلایاجاق. یاخین¬لاریزدان بیرینه بعضی چتین¬لیک¬لر اوز وئره¬جک و سیز اونا یاردیم ائتمک اوچون قاباغا گئتمه¬لی¬سیز. عائله اولماغین معناسی بودور. عائله چتین¬لیک¬لرده بیر- بیری¬نین آرخاسیندا دورمالی دیر.
گوز فصلینده، ایش¬لرین بیر- بیری¬نین اوستونه قالانماسی سیزین بوش وقت¬لریزی توتاجاق. بئله بیر دورومون یارانماماغی اوچون، سعی ائلیین هر ایشی اؤز وقتینده گؤروب، قورتاراسیز و ایش¬لر بیر- بیری¬نین اوستونه قالانماسین. قیش فصلینه یاخین¬لاشینجا دوروم سایخاش¬لاشاجاق. هرزادی سالیب- چیخماغا زمانیز اولاجاق و بوش وقت¬لریزی حیات¬یولداشیز و یا سئوگی اورتاغیزلا گئچیرتمه¬یه اؤزل-لشدیره¬جک¬سیز. من سیزین یئریزه اولسام اونا دوزگون بیر هدیه آلیب، بو ایلین بوتون شرمنده¬لییندن چیخارام!

#داوامی_وار…
@SancaqDergisi

⭕️۱۴۰۰-نجو ایل‌ده اؤزل فالینیز

✍حاضیرلایان: #اولجای_مرآتی

🔸قیروو (عقرب، آبان):

بو ایل سیزه هیجان¬لی و دیرلی تجربه¬لرله دولو بیر ایل اولاجاق. سیزین اوتان- قاچ و سویوق داورانماغیز، اصلا سارسیلماز و گوجلو روحیه¬زی ائتگی¬لندیرمز. بو ایل هم ایش دوروموزون یوکسلمه¬سی و هم بیرئیسل اولاراق چیچک¬لنمه¬زی گؤره بیلرسیز. ایلیشگی¬لریز ده، چوخ قالارقی و محکم¬لشه¬جک. سیز یئنی ایلی چوخ انرژی¬لی باشلایاجاق¬سیز. ایشیزله چوخ اوغراشیب او موردده ثباتا چاتاجاق¬سیز. چالیشمادان هئچ نه اله گتیرمک اولماز و آماج¬لاریزا چاتماق اوچون اؤنجه مانع¬لردن گئچمه¬لی¬سیز. چالیشما¬لارین نتیجه¬سینده اوغورلارین قازانماسی چوخ شیرین اولار. یولداش و امکداش¬لاریز سیزی آلقیشلایاجاق¬لار، آما اونلارا سوءاستفاده فرصتی وئرمه¬یین. یاز فصلینده سوبا¬لارا بیر سئوگی تجربه¬سی یارانا بیلر. ائولی¬لر ده بو زمانی آرامش و خوشلوق¬دا گئچیرده بیلرلر. حیات¬یولداشیز ایله بیر تفریحی مسافرته گئدین و ایلین گلن گون¬لرینه انرژی توپلایین و سونرا ایشیزه اوداق¬لانین و جدّی سورون¬لار اوچون برنامه¬لریز اولسون.
یای فصلینده چوخ آییق- ساییق اولمالی¬سیز. بلکه چئورزده بیر خائن آدامین حضوروندان خبریز یوخدور. او هر نه قدر یولداش¬یانا داورانسا دا، چتین¬لیک زمانی سیزه آرخا چئویره¬جک. حقیقی یولداش¬لاریزین قدرینی بیلین و اونلاری اولویت¬لریزده اورتاق ائدین. بو ایل سیز چوخ جدّی و دنگه¬لی داورناجاق¬سیز. و گوز فصلینده بو جدّی¬لیین اؤدولونو قازانیب، یاشامیزی سهمانا سالیب و دوزن¬لی اولاراق، دوام ائتدیرین. بئله¬لیک¬له قیش فصلی چاتدیغیز آرامش و دنگه¬نین قدرینی بیلین. قیش فصلینده زمانی دوز مدیریت ائده بیلسز هم عائله¬وی یاشامیزدا، هم آرخاداشلیق چئوره¬سینده، هم ایش دوروموزدا و هم توپلومسال ایلیشگی-لرده دوزگون دنگه ساغلییا بیلرسیز.
اولدوز¬لارین دورومونا باخاراق، ساغلام¬لیغیزی جدّی توتون. بولار اؤز یئرینده چوخ کیچیک و اؤنم¬سیز مسائل دیر، آما قولاق دالینا آتساز جدّی¬لشمک امکانی وار. بو ایل سیزین اوچون خوش و اؤنملی ایل دیر. یاشامیزین اؤنملی تصمیم¬لرینی بو ایل توتاجاق¬سیز و داها ایرلی ده اولان ایل¬لرین اسا¬س تمل¬لرینی قویا بیلرسیز. حیات¬یولداشیز و یا سئوگیلیز ایله محبت¬لی اولون. او هرزمان سیزین محبتیز اوستونده حساب آچیب، نییه دویغوسال ایلیشگی¬لریزده بو قدر احتیاط¬لی داورانیرسیز؟ مگر او سیزدن نه ایستییر؟ بیلیرم ایلان وورموش آلاچاتیدان قورخار، آنجاق سیز هامینی بیر اؤلچو ایله اؤلچمه¬یین. عاطفی ایلیشگی¬لرده گئچمیشی بوراخین و قاباق¬کی تجربه¬لری بوگونه قاریشدیرمایین.

🔸آزر (یای، آذر):

آزرلر بو ایلی چوخ ثبات و دنگه ایله باشلایاجاق¬لار. بو ایل چوخ تئز و دوز تصمیم توتا بیله¬جک¬سیز. ایلین ایلک یاریسی اولدوزلار سیزین نفعیزه دوزوله¬جک¬لر. اما ایلین اوبیری یاریسی بیر مقدار دولانباج¬لی گؤرونور. بو ایل باشلامامیش بیر نفر بلکه امکداش، حیات¬یولداشی و یا اوشاغیزین پریشان حال¬لیغی سیزی گرگین ائده¬جک. اونا یاردیم ائتمکده الیزدن گلنی اسیرگه¬مه¬یین. اونا یاردیم ائتمک مالی بیر یاردیمدان توتوب، تکجه محبت¬لی داورانیش دا اولا بیلر. بولار نه اولور اولسون، او اصلا اونودمایاجاق. ایش یئرینده اولان سرعت و دقتیز سیزین موفقیتیزه باعث اولاجاق. بوش وقت¬لریزی ایشه اختصاص وئرین و بونون بهره¬سینی گؤتورون. سونرالار استراحته وقت تاپماق اولار. البته بیلیرم استراحت آداما لازم دیر، آنجاق استراحت ایله تنبل¬لیین فرقی وار.
سیزین اوچون ایلی فصل¬لر اولاراق دانیشمیرام، چونکی بوتون فصل¬لر سیزه بیر جور اولاجاق. بو تماما اؤزودن آسیلی دیر. اگر برنامه¬لریزی دوز تؤکسک، اگر ایش¬لریزی دوز مدیریت ائلییه بیلسز و اگر ایلیشگی¬لریزی یئرسیز تارتیشمالاردان ساخیندیرا بیلسز، چوخ گؤزل بیر ایلیز اولا بیلر.
عؤمور- گونوزون قدرینی بیلین، بیر- بیریزه محبت ائلیین و جان دئییب، جان ائشیدین. عاطفی باخیمدان بیر ایلیشگی¬ده اولان¬لار قالارقی و دوزگون ایلیشگی یاشلایا بیلرلر. ایشیز ایله چوخ اوغراشماق سئوگیلیزی اوزگون ائده بیلر. آنجاق او، آز توقع¬لو بیر انسان دیر. اگر اونو دیله توتوب، هر ایشیزین اونون اوچون اولدوغونو آنلادا بیلسز یاخجی اولار. سوبای¬لار بو ایل اؤز ایستکلی¬لرینه چاتا بیلرلر. بو اوزدن گؤزلریزی آچین و آییق- ساییق اولون.
سیز ایش¬لریزه اوداق¬لانمادیقجا بعضی سهولریز اولور و باشقالاری سیزین سهولریزی جبران ائتمک مجبوریتینده اولورلار. اشتباه¬لاریزدان عبرت آلین، اولوم¬سوز تجربه¬لر ده، دَیَرلی ساییلا بیلرلر. بیلمیرم ایلین سونونا دوغرو ایش سورون¬لاریز قورتاریب یا یوخ اما اؤزل یاشامیزدا هئچ بیر سورون یوخدور. عائله عضولری و حیات¬یولداشیزین یاردیمی اوسته حساب گئدین و اونلارین یاردیمی ایله بوتون چتین¬لیک-لرین قارشی¬سینا چیخین.

#داوامی_وار…

@SancaqDergisi

⭕️۱۴۰۰-نجو ایل‌ده اؤزل فالینیز

✍ حاضیرلایان: #اولجای_مرآتی

🔸چیلله (اوغلاق، دی):

اوغلاق¬لار طالع¬لری اساسدا، ایش¬لرینده اوغورلو اولاجاق¬لار. سیز چوخ اراده¬لی و جاه¬طلب بیر شخص اولاراق، روحی باخیمدان اولوم¬لو دوشونجه¬لرله مثبت انرژی اله گتیریرسیز. بو هم بیرئیسل گلیشمه¬زه سبب اولور و هم یئنی تجربه¬لر قازانماغیزی راحات¬لادیر. بو دنگه و آرامشین سایه¬سینده چوخ گؤزل اوغورلارا نائل اولاجاق¬سیز.
ایلین ایکینجی یاریسی بیر مقدار چتین اولسا دا، سیز یئترینجه پول و انرژی توپلادیغیز اوچون سیخینتی¬دا اولمایاجاق¬سیز. یاز فصلی¬نین سون¬لاریندا بیر مقدار استراحت ائلیین و چالیشمالاریزین یورقون¬لوغونو چیخاردین. عاطفی مسائل¬ده اولان سورون¬لارا رغماً حیات¬یولداشیز و یا سئوگیلیزی قیرمایین و باشاردیغیز قدر صداقت و دوزلوک ایله داورانین. دوزلوک بوتون آنلاشمازلیق¬لاری اورتادان قالدیرا بیلر. کوسولو قالماغیز هرزادی چتین¬لشدیرر.
یای فصلینده یاردیم¬لارین هئچ بیرینی رد ائله¬مه¬یین. اضطرابین چوخلوغو ساغلام¬لیغیزی تهلوکه¬یه سالا بیلر. ایشیز نه قدر چوخ اولسا، یئنه ده ایشیزی ائوه گتیرمه¬یین. حیات¬یولداشیزی بو دوروم راحات¬سیز ائده بیلر و هم ساغلام¬لیغیز تهدید اولار. بو دوروم اؤتری دیر و گوز فصلینده بیر داها هر زادین اؤز یولونا دوشمه¬سینه تانیق اولاجاق¬سیز. بو فصلی داها آرخایین گئچیردیب، قیش فصلینه یاخین¬لاشدیقجا آداق- آداق سوبای¬لارا جدّی بیر ایلیشگی فرصتی یاراناجاق. البته ائولی¬لر ده قیش فصلینده رومانتیک و هیجان¬لی جنسی بیر ایلیشگی¬نین دادینی چیخاردا بیلرلر. آرتیق گئچمیشی اونوتماق و گله¬جه¬یه دوغرو گئتمک زمانی دیر. بوندان سونرا عائله¬وی ایلیشگی¬لر، اوشاق¬لارا گئچیرتدییز زمان¬لار و ایش یئرینده اولان امکداشلیق-لاریز یاخجی و اولوم¬لو قاباغا گئده¬جک. بوندان- بویانا ایش¬لریزی چوخ چتین¬لیک چکمه¬دن سونا چاتدیریب و ایسته¬دییز دوروما چاتا بیلرسیز.

🔸دوندوران آی (قووا، بهمن):

سیز چوخ ذکی و عئینی حالدا دویغوسال آدام اولاراق، اؤزل بیر طالعه صاحب¬سیز. بو ایلی راحات باشلاماییب¬سیز، بو گونکو دوروما چاتماغا چوخلو چالیشماقدان سونرا چاتیب¬سیز. گئجه باشیزی یئره قویاندا جانیز زوققولداییر و یورقونلوغوزو حسّ ائلییرسیز. ایلیشگی¬لری بو گونکو ثباتا چاتدیرماق اوچون حدّسیز اوغراشیب¬سیز، آنجاق نه اولور اولسون، سیز بوگون بو یئرده¬سیز و یئنی ایلی باشی¬اوجا باشلاییرسیز. ایلین باشلانقیجیندا هوشوزو ییغین باشیزا، یورقون¬لوق باعث اولماسین بعضی شئی¬لری گؤرمییه¬سیز و یا اؤنملی بیلگی و خبرلری الدن وئره¬سیز! باشیز اؤزوزه قاریشار بیر اوندا گؤررسیز له¬له کؤچوب یوردو قالیب؛ هر کس ایسته¬یینه چاتیب و سیزین باشیز بؤرک¬سوز قالیب! مندن دئمک، سونرا دئمیین کاش بیر نفر منی اویاراردی!
یاز فصلینده سیزین اولوم¬لو انرژیز هامییا یؤنه¬لجک و بو زمان سیز وجودوزون ایتمیش یاریسینی تاپا بیلرسیز. اوزون زماندان سونرا توپلومسال ایلیشگی¬لر و مخالف جنس ایله اولماقدان لذت آپارا بیلرسیز. بو قونودا اوزون مدت¬لی تصمیم¬لر توتا بیلرسیز. قورخمایین، یای فصلینده اوبیری ایش¬لریزه ده یئترینجه وقتیز اولاجاق. داها دوغروسو قووا¬لارین ایش فصل¬لری یای¬دان باشلایاجاق.
گوز فصلی آرامش ایله گلیب- چاتاجاق و ایشیزده اولاغان¬اوستو اوغورلاریز اولاجاق و سیز بوتون تؤکدویوز برنامه¬لر و چکدییز زحمت¬لرین اؤدولونو آلاجاق¬سیز. بلکه برنامه¬لریزی دییشدیرمک و داها چوخ چالیشماق مجبوریتینده قالدیز، آنجاق بیر ایش گؤرمه¬دن اؤنجه هرزادی سالیب- چیخین و دوز تصمیم توتون، بو قونودا بیر یولداشین یاردیمیندان فایدالانا بیلرسیز.
ایلین سون فصلینه یاخین¬لاشدیقجا، زمانیزی عائله، حیات¬یولداشیز و اوشاق¬لاریزا اؤزل¬لشدیره¬جک¬سیز. سوبای¬لار سونسوز بیر سئوگی¬نین دادین چیخارداجاق¬لار و ائولی¬لر داها ثبات¬لی بیر ایلیشگی¬نی تجربه ائلییه¬جک¬لر.
گئچمیشی نظردن گئچیرنده، بو ایل داها چوخ تجربه قازانیب و کیشی¬سل اولاراق چوخ گوج¬لنه¬جک¬سیز. ساغلام¬لیغیزی جدّی توتون و جسمی و عاطفی باخیمدان هر گون اؤزوزو تقویت ائلیین.

#داوامی_وار…

@SancaqDergisi

⭕️۱۴۰۰-نجو ایل‌ده اؤزل فالینیز

✍ حاضیرلایان: #اولجای_مرآتی

🔸بایرام (بالیقلار، اسفند):

بالیق¬لار چوخ دویغوسال و عاطفی کیملییه مالک¬دیرلر. سیزدن ایستییرم اؤز باشاری¬لاریزدان ایشیزده ده فایدالانین. گئچن ایل سیزین اوچون، چوخ آرام و سایخاش بیر ایل ایدی، آما بو ایل اؤزل¬لیک¬له یای فصلی دولانباج¬لی گون¬لریز اولاجاق. ایلین باشلانقیجیندا ایشیزدن چوخ راضی گؤرونمورسوز. بلکه ایشیزی دییشدیرمک لازم دیر. آنجاق یاخجی دیر ایلک اؤنجه ایشین ریسکینی نظرده توتاسیز.
اولدوز¬لار یاز فصلینده سیزه دوزن¬لی بیر یاشام پای گتیره¬جک¬لر. البته حیات¬یولداشیزدان غافل اولماغیز سیزه باها باشا گله بیلر. سیز اونون یاشامیندا اولان ان اؤنملی کس¬سیز، بو بحرانی آتلادین و آرامشه چاتین. سوبای¬لار سئوگی قونوسوندان اؤنجه، ایش دوروم¬لارینی ثباتا چاتدیرسین¬لار. سیزین اوچون یارادیجی زمان دیر، بو فرصتی دیرلندیرین. اؤنوزه چیخان هر سورونو بیر تورلو اورتادان قالدیرین. بعضی¬لریله گئچینین، بعضی¬لریله ساواشین و بعضی¬لرینی گؤرمزدن گلین. ایشیزده اولان چتین¬لیک¬لردن قورخمایین، بیلیرم بو دورومدان گئچمک هم زمان و هم انرژی آلیر، بیر یولداشدان یاردیم آلین و اونون اؤیودلرینه عمل ائلیین. او جان و کؤنولدن سیزه یاردیم ائده¬جک.
بو ایل بالیق¬لارا خوش، آرام و اولوم¬لو باشلاییب، سونا چاتاجاق. البته عائله عضولری¬نین گؤزلنیلمز چتین-لیک¬لری سیزی ده ائتگی¬لندیره بیلر. بلکه بیر نفر، اؤنملی بیر بیلگی¬لری سیزدن گیزلی ساخلادی، بو قونودا ایلک اؤنجه بیر عده¬نین گوونجینی قازانمالی¬سیز. بوتون بو حاشیه ده اولان مسائل، سیزی حیات-یولداشیز و یا سئوگیلیزدن اوزاق¬لاشدیرماسین. اونو اونودمایین، ایلیشگی¬لرده بیر آددیم قاباغا قویساز، اونون نئجه قارشی چیخماسی سیزه اولاغان اوستو لذت وئره بیلر.
بالیق¬لار بیری¬لرینه خدمت و محبت ائدنده او قدر جان و کؤنولدن بو ایشی گؤرورلر کی، اؤز دوروم¬لارینی و اؤز¬لرینی اونودورلار. آما اؤز¬لری¬نین یاردیما احتیاج¬لاری اولاندا بیر نفر ال¬لریندن توتان اولماز. سیزه بو ایل توصیه¬م بو اولاجاق: انسان سئورلیک و محبت چوخ گؤزل اؤزل¬لیک¬لردیر، آنجاق لطفا اؤزوزو اونودمایین، اؤز ایاق¬لاریز اوسته دورماق یاخجی دیر، آنجاق لازم اولان زمان بیری¬لریندن یاردیم آلین. یولداش و قوهوم- اقربانی اؤنمسه¬مک وظیفه دیر، آما اؤز قوردوغوز عائله بو گروه¬لارین باشیندا دوروب و اونلارین ایش¬لرینی یولونا سالماق هامی¬دان چوخ واجب اولان گؤره¬و ساییلا بیلر.

#سون.

@SancaqDergisi