تاپماجالار / #اوشاق_ادبیاتی

✍#سوسن_نواده‌رضی / قدیم زامان‌لاردا ننه- بابالاریمیز اؤز نَوه- نتیجه‌لری‌نین عاغیل‌لی، هوشلو- باشلی اولمالاری اوچون اونلاری دوشونجه‌لی و حاضیرجواب بؤیوتمه‌یه چالیشیبلار.اونلار، اوشاق‌لارین تکجه فیزیکی جهت‌دن دئییل، هم ده عاغیل و دوشونجه جهت‌دن ساغلام و زیرنگ اولمالارینی ایسته‌ییب‌لر. فولکلوروموزون چوخ چئشیدلی قولو اولان تاپماجالار دا، بو سببه گؤره اورتایا چیخیب‌دیر. تاپماجالار عاغلی و شعورو گلیشدیرمک، حضور ذهنی آرتیرماق اوچون‌دور. تاپماجانین ایچینده اشیانین، یا تاپماجانین موضوعسو اولان هر بیر شئیین بیر نئچه علامتی گیزله‌دیلیر، آنجاق اونون اصل کاراکتئریک علامتی تصورده جانلاندیریلیر. اوشاق (یا دا بؤیوک) اؤز دوشونجه‌سی و عاغلی سایه‌سینده دوغرو جوابی سالیب- چیخیر تاپیر. تاپماجالار هم نثر، هم ده نظم بیچیمینده اولور.

اوزگون میوه‌لر / #اوشاق_ادبیاتی

✍چئویردی: #سما / قایناق: Ketabkoodak@ / پیشیک یئمک آختاریردی. حیح‌ط‌ده گزیب، اییی چکیردی. بیردن بیر سس ائشیتدی. یاواش گئتدی قاباغا. گؤردو بیر عالم میوه زیبیل قابیندا آغلاییرلار. پیشیک سوروشدو: -آی میوه‌لر، سیز نیه زیبیل قابینداسیز؟! نیه بئله یارالانمیسیز؟! تکجه بیر دیش اوندان یئییلمیش اولان یئکه بیر اَمرود دئدی: -بیریسی نین دوغوم گونویدو. بیر عالم آلما، امرود،هولی، آلی... گتیردیلر. منله دوست‌لاریم بیر میوه صاندیغیندایدیق. او‌ل‌ده بیزی تؤکدولر حووضا. بیز بتر کئف ائلیردیک.

گونبول پادشاه و حکیم / #اوشاق_ادبیاتی

✍کؤچوردو: #سما / بیر زامان‌لار کؤک بیر پادیشاه وار ایدی. او قدر پیی‌لنمیشدی کی، بدنی ائله بیر اؤلچویه چاتمیشدی کی، یئریمکده بیله چتین‌لیک چکیردی. پادشاه آریقلاماق ایسته‌ییردی و بونا گؤره ده ولایت‌ین ان ساوادلی حکیم‌لرینی بیر آرایا توپلادی. اونلارا نیتی‌نی سؤیله‌دی. آنجاق پادشاه نه قدر معالجه اولونسا دا، گئتدیکجه داها چوخ کؤکه‌لدی. نهایت، عاغیل‌لی بیر حکیم تاپدی. او، پادشاه‌ین الیندن توتوب دئدی: -عزیز پادشاه اجازه وئرسه، آسترولوژی کیتاب‌لارا باخاجاغام. طبیعت‌ین یالنیز بیلدییی بوتون درمان‌لاری آراشدیراجاغام و اونلاری پادشاها وئره‌جه‌یم.

بیز دؤرد یولداش / بیرینجی بؤلوم / #ادبیات

✍#یعقوب_نامی / مدرسه‌میز شَهَرین قیرمیزی تورپاق‌لی عئینالی اته‌یینده، «قوربانی یئرلری» آدی‌یلا تانینان بیر محله‌ده تیکیلمیشدی. اوچ مرتبه‌لی بیر بینا ایدی. انقلاب‌دان سونرا، شَهَرده بوجور محله‌لر چوخالمیشدی. او جمله‌دن، قوربانی، خلیل آباد، داداش آباد، قیرخ مئتیر، کوی امام رضا، اسلام آباد و نئچه باشقاسی. عمومیت‌ده کاسیب‌نشین محله‌لر ایدی. ساکین‌لری، کندلرده‌کی آغیر دوروم‌لارین اولماسی و ایمکانات‌ین اولماماسی سببیندن شَهَره کؤچوب و بوجور محله‌لرده، چوخ کیچیک، گئجه قوندولاردا یئرلشمیشدیلر. بیزیم مدرسه‌دن بیر کوچه سونرا، داغ باشلانیردی. ائویمیزدن مدرسه‌یه یاریم ساعات، قیرخ دقیقه‌لیک یول ایدی. مدرسه‌یه گئتمک اوچون، یازدا زیغ-زیمریق‌لی، پالچیق‌لی، قیش‌دا بوم- بوز کوچه‌لری، قره پیچی گالیش آیاق‌قابی‌لاریمیزنان کئچمه‌لی ایدیک.

دوه و اوزون‌قولاغین ناغیلی (جامی‌نین بهارستان کیتابیندان آلینمیش بیر حکایه) / #اوشاق_ادبیاتی

✍چئویردی: #گونش_امانی / بیر دوه ایله بیر اوزون‌قولاق بیر دوزن‌لیکده یاشاییب، بیر- بیری ایله دانیشیردیلار. هاوا یاواش- یاواش بولودلادی. دوه باشینی یوخاری قالدیریب، گؤیه باخیب، دئدی: - سانیرام تئزلیکده یاغمور یاغسین. یاخجی دیر تئز اؤزوموز اوچون بیر سیغیناجاق تاپاق.

بیر روایت (خاقانی‌دن) / #ادبیات

✍#میرزه_علی‌اکبر_صابیر / شیروان خاقان‌لاریندان، بؤیوک خاقانی، بیر گون تئزدن اووا گئتدییی زامان‌دا، شاماخی‌نین شیمال غربی‌سینده، اَن یاخین محل‌ده واقع اولان «مَلهَم» کند‌ی‌نین کناریندان کئچرکَن، پئشواز اوچون کند اهلیندن هئچ بیر کیمسه‌نین گلدییینی گؤرمه‌دی، آنجاق اودون ییغماق¬لا مشغول اولان بیر اوشاغی یانینا چاغیریب دئمیش کی:  - اوغلوم، سیزین کندده بؤیوک کیم دیر؟

یئمیشان آغاجی‌نین سون کؤلگه‌سی / #ادبیات

✍#سیروس_عباسی / کندیمزدن چوخ آرالی اولان باغیمیزدا بیر یئمیشان آغاجی وارایدی. او بیزیم اوچون یالنیز بیر آغاج کیمی یوخ، بلکه دونیامیزدا اولان ان ده‌یرلی وارلیق‌لاریمزدان سایلیردی. کؤلگه سی ، هرزامان آغیر ایشدن سونرا، دینجلمک یئریمز، دمیرکیمی قول‌لاری، دوپ- دولو یارپاقلی بوداق‌لاری، گونشین قارشی‌سیندا سرین اؤرته‌ییمز اولاردی. پاییزین سون گون‌لرینه کیمی دؤزوب، قاری گؤروب، سونرا یارپاق‌لارینی تؤکردی. یئتیشمیش قیرمیزی مونجوق کیمین شیرین میوه‌لری، هر میوه‌دن سونرا یئتیشردی.

نورم‌لار نئجه یارانیر / #توپلوم

✍#سوسن_نواده‌رضی / ده‌یرلر(نورم‌لار)، زامان ایچینده، انسان‌لارین دوشونجه، باخیش و داورانیش‌لاریندان یوغرولوب، بیر معیار کیمی اورتایا چیخیر، سونرا توپلومون گرک‌لی اولان عنصرلرینه چئوریلیر. ده‌یرلر، جامعه‌ده هر کیمسه‌نین اویماسی و یا دقته آلماسی گره‌کن عمومی اخلاق اینانج‌لاری کیمی ده تعریف‌لنه‌ بیلر. مثلا، یالان دانیشماغین، اوغرولوغون، حقّه تعدی و تجاوز ائتمه‌نین پیس عمل اولدوغونا، و انسان حیاتینا ده‌یر وئرمه‌یین،‌ دوغرولوغون و چالیشقان‌لیغین یاخجی اولدوغونا بیزی ایناندیران، مدنی‌لشمه سوره‌جینده قازاندیغیمیز ده‌یرلردیر.

بایدن: #ایران-‌ین ۶۰% زنگین‌لشدیرمه‌ پروگرامی برجام-ا آیقیری‌دیر

#خبر: #آمریکا جمهور باشقانی: ایران‌ین یوزده 60 زنگین‌لشدیرمه‌نی باشلاتماسی نوکلئئر آنلاشمانین خلافی‌دیر. تئهران‌ین آمریکانین برجاما دؤنمه‌سینه اولاناق ساغلایان مذاکیره‌لری سوردورمه‌سیندن ممنونیت دویوروق. وین مذاکیره‌لری‌نین نتیجه‌لرینی سونوجلاندیماق اولماز. بو ایش اوچون هله چوخ تئزدیر.

نمکی دستور وئردی؛ #آبادان‌-ین تمیزلیک گؤره‌ولی‌لری‌نین کورونا واکسن‌لریندن سوءاستفاده‌ ائله‌ین‌لره قارشیلیق وئریلسین و ایشلریندن آلینسینلار

#خبر: آبادان‌ بلدیه‌سی‌نین بعضی مودور و ایشچی‌لری‌نین تمیزلیک گؤره‌ولی‌لرینه آیریلان کورونا واکسنیندن سوء استفاده ائتمه‌لری‌نین آردیندان، ساغلیق باخانی آبادان‌ین طب بیلیم‌یوردونون باشقانینا بیر مکتوب یازدی و دستور وئردی آشیلاما پروگرامی‌نین اجرا اولونماسینا نظارت ائدن مودورلر و ساغلیق باخان یاردیمچی‌سی تئزلیکله ایش‌دن آلینسینلار.