یکشنبه, ۹ آذر , ۱۳۹۹ Sunday, 29 November , 2020
  • هرات- خاف دمیر یولو آذر آییندا آچیلاجاق ۰۷ آذر ۱۳۹۹

    هرات- خاف دمیر یولو آذر آییندا آچیلاجاق

    #خبر خاریجی ایش‌لر باخانلیغی‌نین سؤزجوسو، سعید خطیب زاده:  🔸بو یول #افغانیستان-ی #ایران طریقی ایله اوروپایا باغلایاجاق و تاجیرلرین مال‌لارینی نقل ائتمه‌یه ایشلم‌لریمیزین چوخونو آسان‌لاشدیراجاق.   🔸بو دمیر یولون رسمی آچیلیش تاریخی محتملن آذر آیی‌نین گون‌لری‌نین بیری اولاجاق.

#یونیسف: ایکی میلیارد دُوز کورونا واکسنی اؤلکه‌لره وئره‌جه‌ییک ۰۳ آذر ۱۳۹۹

#یونیسف: ایکی میلیارد دُوز کورونا واکسنی اؤلکه‌لره وئره‌جه‌ییک

#خبر 🔸اولوسلارآراسی اوشاق‌لار صاندیغی (یونیسف) بیلدیردی، بو اؤرگوت 2021 ایلینده بیر «بؤیوک گؤره‌و»-ده تخمینن 2 میلیارد دُوز کورونا واکسنی یوخسول و گلیشمه‌ده اولان اؤلکه‌لره گؤندره‌جک.

جده-ده G20 توپلانتیسی ایله عئینی زاماندا حوثی‌لرین آرامکو تاسیساتینا راکئت سالدیرماسی ۰۳ آذر ۱۳۹۹

جده-ده G20 توپلانتیسی ایله عئینی زاماندا حوثی‌لرین آرامکو تاسیساتینا راکئت سالدیرماسی

#خبر 🔸#یمن حوثی‌لری‌نین عسکری سؤزجوسو بیلدیردی، بو گون سحر نئچه قدس راکئتی ایله #عربیستان-‌ین جده شهرینده‌کی آرامکو نفت تاسیساتینا سالدیردی و پالایشگاه‌دا یانقینین داوامی وار. بو سالدیری‌لار دونیانین 20 بؤیوک اؤلکه‌سی‌نین عربیستان‌دان کئچیرلن زیروه‌سی ایله عئینی زاماندا اولدو. عربیستان یئتکیلی‌لری هله‌لیک بو سالدیری‌یا بیر تپکی گؤسترمه‌ییبلر.

فایزئر، #کورونا واکسنی اوچون ایلک سئری اوره‌تیم لیسانسینا تقاضا وئردی ۰۳ آذر ۱۳۹۹

فایزئر، #کورونا واکسنی اوچون ایلک سئری اوره‌تیم لیسانسینا تقاضا وئردی

#خبر 🔸فایزئر داوا شیرکتی و اونون اورتاغی بایوان‌تک، جمعه گونو اوره‌تدیک‌لری کورونا واکسنی اوچون آمریکانین قیدا و درمان اداره‌سیندن عاجیل اجازه اوچون تقاضا وئردیلر.

#کورونا ایله موجادیله مرکزی‌نین علمی کومیته‌سی‌نین عضوو، دوکتور مینو محرز: ۰۱ آذر ۱۳۹۹

#کورونا ایله موجادیله مرکزی‌نین علمی کومیته‌سی‌نین عضوو، دوکتور مینو محرز:

#خبر جماعات هله بیلمیرلر هارا مراجعه ائتمه‌لی‌دیرلر. دوکتورا گئده‌رک واختی هدر ائتمه‌یین، کورونا توتان خسته ده‌برلندیرمه‌لی‌دیر و گرک بللی اولا اونون خسته‌لییی یونگول، اورتا، آغیر یا چوخ آغیر آشامادادیر. کورونا توتان شخص‌لر گرک آلتی هفته ائوده قالسینلار و باشقلاری‌نین قارشیندا کسین‌لیکله ماسک قوللانسینلار.

#شرقی_آذربایجان و #غربی_آذربایجان اوستان‌لاری‌نین آدلاری اصلاح اولوندو! ۰۱ آذر ۱۳۹۹

#شرقی_آذربایجان و #غربی_آذربایجان اوستان‌لاری‌نین آدلاری اصلاح اولوندو!

#خبر ایران‌ین پوست شیرکتی‌نین آنلاین سیستئمی‌نین سوسیال شبکه‌سینده «آذربایجان» کلمه‌سی‌نین حذف اولماسینا دایر خبرین یاییلماسی‌نین آردیجا، بو شیرکت شرقی آذربایجان و غربی آذربایجان اوستان‌لاری‌نین آدلاری بو شبکه‌ده اصلاح ائله‌دی.

«منه یاردیم ائت، چین زیندانیندایام»؛ #چین‌-دن صادیر اولموش بیر جوت ترلیییه (دمپایی) تیکیلمیش نوت! ۰۱ آذر ۱۳۹۹

«منه یاردیم ائت، چین زیندانیندایام»؛ #چین‌-دن صادیر اولموش بیر جوت ترلیییه (دمپایی) تیکیلمیش نوت!

#خبر 🔸بیر #روس وطنداشی‌نین آلدیغی «نورث فیث North Faith» مارکیندا ترلیک‌ده یازیلان نوت، سون گون‌لرین ان سیاسی خبرینه دؤنوشدو. جریان بئله ایدی کی: روسیه‌نین سن پترزبورگ-وندان اولان ارسلان گیبادولین، آنلاین اولاراق بیر جوت ترلیک سیفاریش وئریر. سیفاریشی الینه چاتاندا، ترلیک‌لرینی گئیمک ایسته‌دییینده گؤرور ایچینده عجیب بیر نوت وار. بو نوت ترلیییه تیکیلمیشدی. متن اینگیلیزجه یازیلمیشدی. متن‌ده بئله یازیلمیشدی: «منه یاردیم ائت، چین زیندانیندایام، بیر #اویغور». روسیه‌نین معتبر مئدیالاری هله بو نوتون اعتیبارینی اونایلاماییبلار.

۵۰۰ #آمریکا عسکری #عراق تورپاغینی ترک ائتدیلر ۰۱ آذر ۱۳۹۹

۵۰۰ #آمریکا عسکری #عراق تورپاغینی ترک ائتدیلر

#خبر آمریکا جمهور باشقانی، دونالد ترامپ-ین آمریکا عسکرلری‌نین عراق و افغانیستانی ترک ائتمه‌لرینه دایر دستورونون آردیجا، 500 آمریکالی عسکردن اولوشان ایلک گروپ عراق تورپاغینی ترک ائتدیلر.

#کورونا بحرانی‌نین مدیریتینه اعتراض آماجی ایله ساغلیق باخانی‌نین یاردیمچی‌سی استعفا ائتدی ۰۱ آذر ۱۳۹۹

#کورونا بحرانی‌نین مدیریتینه اعتراض آماجی ایله ساغلیق باخانی‌نین یاردیمچی‌سی استعفا ائتدی

#خبر 🔸ساغلیق باخانی‌نین آراشدیرما و تئکنولوژی یاردیمچی‌سی، رضا ملک‌زاده، ساغلیق باخانی‌نین کورونا بحرانیندا «چوخ یانلیش و خطالی یؤنه‌تیمی» سسبیندن، اؤز مقامیندان استعفا ائتدی. ملک‌زاده‌نین استعفا متنی اؤز شخصی صفحه‌سینده یاییملانیب.

هفته‌لیک فالینیز /#ادبیات ۳۰ آبان ۱۳۹۹

هفته‌لیک فالینیز /#ادبیات

✍حاضیرلایان: #اولجای_مرآتی 🔸آغلار‌گولر (قوچ، فروردین): بو هفته ائو ایچینده تارتیشمالار اولاجاق. بو دانیشیق¬لاردان فایدالی سونوج¬لارا چاتا بیلرسیز. اؤزل نیاز¬لاریزی نظرده توتون و اونلارا چاتماق اوچون الیزدن گله¬نی اسیرگمه¬یین. اوچ هفته بویونجا سئوگی دولو ماجرالار سیزی سئویندیره¬جک. بو گون¬لر ایلنجه دولو گون¬لردیر. سیز اؤزوزو تانییرسیز و اؤزوزه ده‌یر وئریرسیز. داها دوغروسو اؤز نیاز¬لاریزی اؤنمسه-مک باشقالارینا دا ارزش وئرمه¬یه سبب اولا بیلر. بو اوزدن اؤزل یاشامیزی دوزنله¬یین.