پنج شنبه, ۶ آذر , ۱۳۹۹ Thursday, 26 November , 2020
  • آنا اوره‌یی/ #ادبیات ۰۵ آذر ۱۳۹۹

    آنا اوره‌یی/ #ادبیات

    ✍#داود_پیرعلیلو (یورقون یکانی) بؤیوک چیلله‌دن بئش- آلتی گون گئدیر. هاوا چوخ سویوق شاختادیر. داغ‌لارا باخاندا ائله بیل آغ یومورتادیرلار. هر یانی قار بورویوب، آغ- آپباق چادیرینی زیروه‌لرین باشینا اؤرتوب‌دور. ائله شاختادیر کی، توپورورسن گؤیده دونور. بیریان‌دان دا سازاق، هر نفس چکه‌نین جانینی آلیر. سکوت داغ‌لارا حاکیم‌دیر، امما هردن قوردلارین اولاماسی داغ‌لارین سس‌سیزلییینی سیندیریر، او داغ‌دان- بو داغا دوشوب، انیسانین جانینا زهم اوتوردور. بوتون حئیوان‌لار یئمک بابتیندن چوخ مضیقه‌ده‌یرلر. قارین چوخلوغو هر زادین اوستونو اؤرتوب‌دور، اونا گؤره بیر زاد تاپا بیلمیرلر یئسینلر. ایللاه قوردلار کنده هوجوم گئتیریب، کندده یاشایان‌لارین حئیوان‌لارینا و اوشاق‌لارینا حمله ائدیب، یارالاییر یا دا آپاریرلار.

چهار دیواری، اختیاری/ #ادبیات ۲۴ آبان ۱۳۹۹

چهار دیواری، اختیاری/ #ادبیات

✍#امیر_امانی «بو ناغیل حقیقی بیر ماجرادان آلینیب» بیرینجی بؤلوم بیزیم بیر حیه‌طیمیز وار ایدی. بو ائوین کهنه‌لمه‌سی خانیمی داریخدیرمیشدی.آرتیق انجیر آغاجی‌نین تؤکولن یاپراق‌لارینی سوپورموردو کی، من حیه‌طه گیرنده حیه‌طی زیبیل‌لی گؤرم. ائودن حیه‌طه چیخاندا قاپی¬نین بؤیرون آچیق قویوردو ائوین ایستی¬سی چکیلیب، گئتسین و ... باشیمی گؤرمک همان دئیینمه¬یه باشلاییردی: - خالقین آوادانلیغی، دیری¬لییی وار. بو ائوی نه ییغیشدیرماق اولور، نه قیزیشدیرماق! آدامین بیر چَره‌¬ک ائوی اولسون، دوز لوسون.

هفته‌لیک فالینیز/ #ادبیات ۲۳ آبان ۱۳۹۹

هفته‌لیک فالینیز/ #ادبیات

✍حاضیرلایان: #اولجای_مرآتی 🔸آغلار‌گولر (قوچ، فروردین): تازللیقدا ده‌یر اؤلچولریز ده‌ییشیلیب. بو د‌ه‌ییشیم ایچ دونیازین گلیشمه¬سینی گؤرستریر. بعضی وارلیق¬لار انسانین ال- قولونو باغلاییر و انسان اونلارین الیندن قورتولمالی‌دیر. البته بلکه ده بیر شئی‌ین مالکیتی الیزدن آلیندی. ایشیزده سورون وارسا اوندان قورتولماق زورونداسیز. هر حالدا اؤزوزه یئنی دوروم¬لاری دنه¬مک فرصتی وئرین بو کسین¬لیک¬له سیزین نفعیزه دیر. بو هفته اسراف¬لارین قاباغینی آلا بیلسز، بورج¬لاریزین بیر چوخ مقدارینی وئریب، راحاتلاشا بیلرسیز.

قیرمیزی سئوگی حیکایه‌سی/ #ادبیات ۱۷ آبان ۱۳۹۹

قیرمیزی سئوگی حیکایه‌سی/ #ادبیات

✍یازان: #سیروس_عباسی ایکینجی بؤلوم اوگوندن بری ، خان اوغلانین ایشی- پئشه‌سی بو اولوب کی، قوهوم‌لاریندان ایسته‌سین، اونون ایسته‌دییی قیزا ائلچی گئتسین‌لر. او دییردی قیز منی سئویر. منی سئومه‌سه‌یدی فوتو سالمازدی، شیرنی وئرمزدی... بیرگون آخشام چاغی، گؤردوم قاپیدا های-کوی قووزانیب. ائشییه چیخدیم گؤردوم خان اوغلان عمی اوغلوسونون ماشینیندا گلیب، دایی‌سی گیلین قاپسینی کسیب کی، نییه منیم اوچون ائلچی گئتمیرسیز؟ بیر آندا ایکی آیاغینی یئره باساراق وارگوجو ایله ماشینین اوتاغی‌نین باشینا چیخیب، باشلادی آشیق هاوالاریندان اوخوماغا. آغزی‌یلا یانیق کرمی‌نی هم چالیردی هم ده اوخویوردو.

قیرمیزی سئوگی حیکایه‌سی/#ادبیات ۱۷ آبان ۱۳۹۹

قیرمیزی سئوگی حیکایه‌سی/#ادبیات

✍یازان: #سیروس_عباسی بیرینجی بؤلوم خان اوغلان چوخ- چوخ کیچیک چاغ‌لاریندا، آتا-آناسینی ایتیرمیشدی. کؤرپه باجی‌سی ایله، قاراداغ کندلری‌نین بیرینده، قارا یاشام‌لارینی عمی و دایی‌لاری‌نین ائولرینده کئچیریردیلر. بو عمی‌آروادی، اونلاردان بئزیکنده، اونلاری دایی آروادینا اؤتوررمیش و بؤیله‌جه، ال به ال یاواش- یاواش بوی آتمیش، بؤیوموشلر. بوتون اوشاق‌لیق دونیالارینی، بیر تیکه چؤرک‌دن اؤتور اونون- بونون الینه باخماق‌لا کئچیرتمیش‌لر.

هفته‌لیک فالینیز / #ادبیات ۱۶ آبان ۱۳۹۹

هفته‌لیک فالینیز / #ادبیات

حاضیرلایان: #اولجای_مرآتی آغلار‌گولر (قوچ، فروردین): بوتون دانیشدیغیز سؤز¬لر و گؤردوغوز ایش¬لرده دقت¬لی اولمالی¬سیز. بعضی خطرلر سیزی تهدید ائلیه بیلر! بیردن گؤردون آدام لازم اولمایان یئرده آغزینی آچدی و جبران اولمایان خسارت¬لر اورتایا چیخارتدی. سونکو پئشمانلیق دا بره بیتیرمز. سونرالار بو گون¬لره گولماغیز توتاجاق. هفته سونونون تعطیل¬لرینه ائوده قالماق و ساغلام اَیلنجه¬لرله زمان گئچیرتمه¬یی سئچین . یوکسک انرژیزدن عائله و یاخین یولداش¬لارلا خوش اولماق اوچون فایدالانین.

«گیله‌نار دنه‌سی»/ #ادبیات ۱۵ آبان ۱۳۹۹

«گیله‌نار دنه‌سی»/ #ادبیات

✍یازان: #پری_آخته تاقچاداکی بانکییا باخیرام قیرمیزی بالیق ائله بیل اویوب، هئچ دبرمیر. گؤیول‌سوز باخیشیمی اوندان یان دوتوب، گؤزومو زیلله‌ییرم بئشیگه! دامین دالیندان هالا - هیرنا سسی گلیر. اوره‌ییمدن کئچیر بیردن - بیره تپیل‌مه‌یه‌لر ایچری! ائوی ییخیلان جانیم، اووجون آچیب باخمیالار؟! تلسیک آیاغا دوروب یئرییرم قاپی‌یا ساری، دالینی سالیرام. آرخامی قاپی‌یا دایاییب، دریندن نفس آلیرام. سونانین گول آتمالاری، واه، واه دده یاندیریراااااااا..! دونن بولاق باشیندا دال با دالا دئییردی: - آغیز خوشقدم اولمییا قیز دوغوبسان، دئییرسن اوغلاندی..!

«کرونا»دان باشقا هر شئی وار ایدی ۱۴ آبان ۱۳۹۹

«کرونا»دان باشقا هر شئی وار ایدی

✍یازان: #روح‌انگیز_پورناصح کئچمیش زامان‌لاردا، اوزون گئجه‌لرده، ایلنجه‌لی یئرلرین چوخ اولماماسینا گؤره، ائوده اوتورارمیشلار. آمما گئجه‌لری جور به جور ناغیل‌لارلا اَیلنجه‌لی ائیلرمیشلر. ایندیسه عزیز یازیچی‌لار گئجه گوندوزوموزو اؤز ایسته‌دیییمیز کیمی یاراتماق ایچون «ناغیل، حیکایه… کمپین»ینه دعوتلی‌سینیز. بیر گون وار ایدی، بیر گون یوخویدو. «کرونا»دان باشقا هر شئی وار ایدی.

هفته‌لیک فالینیز ۰۹ آبان ۱۳۹۹

هفته‌لیک فالینیز

✍حاضیرلایان: #اولجای_مرآتی 🔸آغلار‌گولر (قوچ، فروردین): سیز بیر یئرده قالماقدان اصلا خوشلانماییب و سرعت ایله ایش¬لرین یئر به یئر اولماغینی ایسترسیز. قیسسا سفرلر، باجی- قارداش¬لاریزلا دانیشماق، ایش مأموریت¬لری، یازیب- اوخوماق و ... باشیزی قاتیب. ائو و ایش یئریزی سهمانلاییب، گؤزل¬لندیرمک ایستییرسیز. بو هفته اؤزوز و حیات یولداشیزا گؤزل هدیه¬لر آلاجاقسیز. بلکه بیر یاریش اوچون اولکه دیشینا سفر ائتدیز، پول¬لاریزی داغیتمایین.

فضولی دیوانی شرحی/ #ادبیات ۰۷ آبان ۱۳۹۹

فضولی دیوانی شرحی/ #ادبیات

✍پروفسور دوکتور علی نیهات ترلان Prof.Dr.AliNihatTarlan حاضیرلایان: سوسن نواده‌رضی 80-نجی غزل 1) آه ائیله‌دیییم سرو-ی خرامان‌ین اوچون‌دور قان آغلادیغیم قونچه-یی خندان‌ین اوچون‌دور (بو غزل تشبیه‌لره دایانیر. آه ائیلمه‌مه سبب سرو-ی خرامان‌ین‌دیر. قان آغلاماما سبب ده گولن قونچا یعنی دوداغین‌دیر.) آه، یانان اورک‌دن چیخان دومان‌دیر کی، قارا- قارا گؤی‌لره یوکسه‌لر و عئینا سرویه بنزر. قونچا-یی خندان، آچیلان گول‌دور. قونچا کیچیک‌لییندن دولایی دوداغا بنزر. گولونجه آچیلار.