دوشنبه, ۳ آذر , ۱۳۹۹ Monday, 23 November , 2020
  • کپه‌نه‌یین حیکایه‌سی/ #اوشاق_ادبیاتی ۰۳ آذر ۱۳۹۹

    کپه‌نه‌یین حیکایه‌سی/ #اوشاق_ادبیاتی

    یازان: ویدا حشمتی گئجه‌نین سون چاغ‌لاری ایدی. اولدوزلار آیا گؤز ووروردولار. یاواش- یاواش گؤی اوزو آیدینلاشیردی. گونش، داغ‌لارین آرخاسیندا گیزلنمیشدی. او، باشینی قالدیریب ساری ساچ‌لارینی یئر اوزونه سردی. مئشه‌ده‌کی قوجامان آغاجین یاپراغیندان بیر داملا سو سوزولوب، سرعت‌له توپراغا دوشدو. بو بؤیوک مئشه‌ده آغاج‌لارین ان یاشلی‌سی، قوجا چینار ایدی. قوجا چینارین مئهریبان بوداق‌لاری، قوش‌لارا قوجاق آچمیشدی. اونلار چؤر- چؤپدن اؤزلرینه یووا دوزه‌لدیب، بیر- بیرینین قونشولوغوندا راحات- راحات یاشاییردیلار. آغاج دلن، ککیل آدیندا بالاسی ایله قوجا چینارین کؤتویونده یاشاییردی.

آلما آغاجی / #اوشاق_ادبیاتی ۱۲ آبان ۱۳۹۹

آلما آغاجی / #اوشاق_ادبیاتی

ائلیار بنایی(12 ياشيندا) بيرگون بير قوجامان آلما آغاجي ناراحات ايدي. يئل آغاجا ساري گليب، دئدي: -نه اولوب‌دور آغاج قارداش؟ -بوداق‌لاريم آغيرلاشيب، مئيوه‌لريمي ساخلايا بيلميرم،- قوجامان آغاج جاوابلادي. يئل بيرآز فيكيرلشيب دئدي: -تاپديم! تئز آغاجين بوداق‌لارينا ساري مؤحكم پوف‌لدي، آغاج‌دان بير- ايكي آلما يئره دوشدو.

کیتاب تانیتیمی / #اوشاق_ادبیاتی ۱۲ آبان ۱۳۹۹

کیتاب تانیتیمی / #اوشاق_ادبیاتی

کتابین آدی: هر شئی بیر رسمدن باشلاندی ( یئنی یئتمه‌لر اوچون حکایه توپلوسو) یازان: نورالدین مقدم (آیدین دومان) ناشر: آیدین ساو نشریاتی قطع: رقعی، ۶۴ ص. ۱۳۹۹ بیرینجی چاپ قیمت: ۱۲۰۰۰ تومن انتشارات آدرسی: «تبریز ، خ. شهید جدیری، بالاتر از تقاطع پاستور نرسیده به مسجد حر، نشر آیدین ساو.» تئلفون: ۳۳۳۶۴۲۰۱ - ۰۴۱ تئلفون: 09143059715 ایچینده‌کی حیکایه‌لر: هر شئی بیر رسمدن باشلاندی/ آوارا طوطولار/ اولدوزلاردان بيري/ گؤي قورشاغي/ قارانقوشون بالاسی/ بایرام بالیغی/ سئرچه ا‌يله آغاج/ اژدرعمي¬نين پتَگي/ دموكرا‌تيك سئچگي/ بئش آغاج/ قاواقلار

آی اوشاق‌لار آی قیزلار / #اوشاق_ادبیاتی ۱۲ آبان ۱۳۹۹

آی اوشاق‌لار آی قیزلار / #اوشاق_ادبیاتی

رقیه عبدیلی(سازاق) عؤمروموزه داد دوزلار گلین اویون اوینایاق اوچانلاری دوز سایاق دؤوره‌له‌دیک آتانی چاغیردیق تئز یاتانی دؤرد باجی‌لار بیر آنا داداش‌لار دا اویانا باش بارماغی وور یئره اوچان اولسا آل گؤیه

«آتام او گون گوله‌جک» / #اوشاق_ادبیاتی ۱۲ آبان ۱۳۹۹

«آتام او گون گوله‌جک» / #اوشاق_ادبیاتی

یازان: قدسی قاضی نور چئویرن: محمود بنی‌آدم معلم یازی تاختاسی‌نین یانیندا دایانمیشدی، بیر پارچا آغ گج ایله، تاختانین اوستونده یازدی: انشاء قونوموز؛ گؤردویوم أن گؤزل یوخو! - حسن دادخواه - بلی آقا. - انشاء یازمیسان؟ - بلی آقا. - گل اوخو. حسن یئریندن قالخدی. انشاء دفترینی گؤتوروب، یازی تاختاسی‌نین یانیندا، اوشاق‌لارین اؤنونده دوردو، باشلادی انشاسینی اوخوسون؛ «گؤردویوم أن گؤزل یوخو بیر گون یوخودا گؤردوم، ائله بو صینیف‌ین ایچینده اوتورموشام. تاریخ صینیفی‌دیر، هر یان قارانلیق‌دیر. گئتدیم یازی تاختاسی‌نین یانینا، بیر گج ایله قارا تاختانین اوستونده گونش شکیلی چکدیم. گونش بیزیم صینیف‌ین ایچینه دولدو. تاریخ‌ین الیندن توتدوم، اونو پنجره‌دن ائشییه سالدیم.

قیزیم/ #اوشاق_ادبیاتی ۲۸ مهر ۱۳۹۹

قیزیم/ #اوشاق_ادبیاتی

ویدا حشمتی گؤی اوزونده قایار اولدوز خیاللاریم قوش تک اوچار دیلک توتوب، آرزیلارام اومود منه، قاپی آچار آنا عشقی دوداغیمدا سئوگی سسی قولاغیمدا او، دالغالی بولاغیمدا دوم-دورو بیر ایشیق ساچار

ساتاشان پیشیک / #اوشاق_ادبیاتی ۲۸ مهر ۱۳۹۹

ساتاشان پیشیک / #اوشاق_ادبیاتی

نسیم (11 یاشیندا) بير محلله‌نين ايچينده بير قوجا قاری ياشاييرميش. بونون ائوي‌نين حيه‌طينده بير حووض وار ايميش. بو حووض‌دا باليق‌لار ياشاييرميش. بو ائوين داميندا بیر قارا پيشيك وار ايدی. بو پيشييين باليق‌لاردا گؤزو وار ايدی. او قوجا قاري هرگون اوتوروب، باليق‌لارين اويناماسينا باخاردی. آما بيرگون قاری ائوی تميزله‌ييردی، باشی قاريشميشدی و پيشيك ده چوخ سئوينيردی كی باليق‌لارین بیرینی توتوب، ناهارا يئيه‌جك.

ناهاردان سونرا ایدی / #اوشاق_ادبیاتی ۲۸ مهر ۱۳۹۹

ناهاردان سونرا ایدی / #اوشاق_ادبیاتی

یاشار عابدی اورنگ(1390 دوغوملو)- تبریز ناهاردان سونرا ایدی. بالاجا علی ائوده اوینوردو. آتاسی و آناسی یاتمیشدیلار. علی‌نین حؤصله‌سی قاچدی. بؤیوک آناسی گیلین ائوی حیه‌طین او تاییندایدی. علی اورا اویناماغا گئتدی. بیردن- بیره یئر تیتره‌مه‌یه باشلادی. بالاجا علی یئره دیمه‌مک اوچون گاز لوله‌سیندن یاپیشدی. آما نئچه ثانیه سونرا داها گؤرونمه‌دی و حیه‌طین دوواری آلتدا قالمیشدی. علی‌نین آتاسی اونو آختارماغا باشلادی. بؤیوک آناسی دئدی:

قاریشقا / #اوشاق_ادبیاتی ۲۸ مهر ۱۳۹۹

قاریشقا / #اوشاق_ادبیاتی

مهسا پیرمزرعه(1391 دوغوملو) بیرگون وار ایدی، بیرگون یوخ ایدی. بیر قاریشقا آناسی ایله یئرین تکینده یاشاردیلار. قاریشقالار یای‌دا یئمک تاپارلار کی، قیش‌دا آج قالماسینلار. قاریشقا و آناسی دا هرگون یئمک تاپیب، یووالارینا قویاردیلار. قاریشقا آناسینی چوخ سئوردی. بیرگون بیر سیچان گئدیب گؤردو قاریشقا آغلاییر. دئدی: -یولداش! نه‌یه آغلاییرسان؟

سارا / #اوشاق_ادبیاتی ۱۴ مهر ۱۳۹۹

سارا / #اوشاق_ادبیاتی

آی‌تک آروینی- 1387 دوغوملو بیر قولچاغام، آدیم سارا زلزله‌دن قورتولموشام یاتیرمیشدی قیچی اوسته قارا تئل‌لی، گؤزل لاله یئر ترپشدی، دام‌لار اوچدو قالدی لاله دووار آلتدا نئچه گون‌دور دانیشدیران یوخ‌دور منی تئل‌لریمی تومارلایان، ساچ‌لاریمی هؤرن یوخ‌دور